Video : मोक्याच्या क्षणी पाकिस्तानचा सलमान अघाने खाल्ली माती, बांगलादेशला जिंकवण्यात लावला हातभार
बांगलादेशविरुद्ध कसोटी मालिकेत पाकिस्तानने झेल सोडून पुन्हा एकदा सिद्ध करून दाखवलं की झेल सोडणं हक्क आहे. मोक्याच्या क्षणी विकेट घेऊन दबाव आणताना पाकिस्तानच्या खेळाडूंनी माती खाल्ली. एक तर विजयासाठी फक्त 185 धावा दिल्या होत्या. त्यामुळे विकेटचं महत्त्व किती ते समजू शकतो. पण पाकिस्तानच्या खेळाडूंनी याबाबतीत काही देणंघेणं नाही.
बांगलादेशविरुद्ध दुसऱ्या कसोटी सामन्यात पाकिस्तानच्या खेळाडूंनी नको तेच केलं. म्हणजे स्वत:च हासं करून घेतलं. एक तर दोन सामन्यांच्या कसोटी मालिकेतील पहिला सामना गमवल्याने दबाव होताच. त्यामुळे काहीही करून दुसऱ्या सामना जिंकण्याचं लक्ष होतं. पण पाकिस्तान आणि गचाळ क्षेत्ररक्षण हे एक समीकरणच आहे.त्यामुळे व्हायचं तेच झालं. पाकिस्तानच्या खेळाडूने अखेर झेल सोडून दाखवला. त्यामुळे सोशल मीडियावर मनोरंजनात्मक पोस्ट व्हायरल व्हायला लागल्यात. पाकिस्तानने बांगलादेशसमोर विजयासाठी 185 धावांचं आव्हान दिलं होतं. हे आव्हान गाठताना बांगलादेशने चांगली सुरुवात केली होती. त्यामुळे विकेट घेऊनच बांगलादेशवर दबाव टाकण्याची गरज होती. पाचव्या आणि शेवटच्या दिवसाचा खेळ सुरु झाला तेव्हा बांगलादेशला झकीर हसनच्या रुपाने पहिला धक्का बसला. 40 धावांवर असताना मीर हमजाने त्याला त्रिफळाचीत केलं. त्यामुळे बांगलादेश बॅकफूटला गेली होती. कारण अजून दोन तीन विकेट पडल्या तर पाकिस्तान पकड मिळवेल हे जाहीर होतं. अशा महत्त्वाच्या क्षणी पाकिस्तानच्या खेळाडूंनी माती खाल्ली नाही असं कसं होईल.
17 व्या षटकाच्या पहिल्या चेंडूवर शदमन इस्लाम जाळ्यात अडकला होता. मीर हमजाच्या गोलंदाजीवर थेट झेल सलमान अघाच्या हाती झेल होता. पण त्याने काही हा झेल पकडला नाही. शदमनच्या बॅटची धार लागली आणि थेट दुसऱ्या स्लीपला उभ्या असलेल्या सलमान अघाच्या दिशेने गेला. त्याने उडी घेतली आणि चेंडूही हाताला लागला. पण झेल काही पकडता आला नाही. शदमनचा झेल सोडला तेव्हा तो 17 धावांवर होता. पण त्यात आणखी 7 धावांची भर पडली आणि 24 धावा करून बाद झाला. खरं तर प्रत्येक धाव महत्त्वाची होती. त्यामुळे झेल पकडला असता तर दबाव आणि सात धावा वाचल्या असत्या.
Agha salman ne catch drop krdia
#PAKvsBAN pic.twitter.com/sFoJIk4tNj
— Daim Kazmi🇱🇾 (@KazmiDaim) September 3, 2024
दोन्ही संघांची प्लेइंग 11
पाकिस्तान (प्लेइंग इलेव्हन): अब्दुल्ला शफीक, सइम अयुब, शान मसूद (कर्णधार), बाबर आझम, सौद शकील, मोहम्मद रिझवान (विकेटकीपर), आगा सलमान, खुर्रम शहजाद, अबरार अहमद, मोहम्मद अली, मीर हमजा.
बांगलादेश (प्लेइंग इलेव्हन): शादमान इस्लाम, झाकीर हसन, नजमुल हुसेन शांतो (कर्णधार), मोमिनुल हक, मुशफिकुर रहीम, लिटन दास (विकेटकीपर), शकीब अल हसन, मेहदी हसन मिराझ, हसन महमूद, तस्किन अहमद, नाहिद राणा
