PAK vs IND | ईशान-हार्दिकची झुंजार खेळी, पाकिस्तानला विजयासाठी 267 धावांचं आव्हान

पल्लेकेले | उपकर्णधार हार्दिक पंड्या आणि विकेटकीपर ईशान किशन या दोघांच्या अर्धशतकी खेळीच्या जोरावर टीम इंडियाने आशिया कपमधील तिसऱ्या सामन्यात पाकिस्तानला विजयासाठी 267 धावांचं आव्हान दिलं आहे. टीम इंडियाने 48.5 ओव्हरमध्ये ऑलआऊट 266 धावा केल्या. त्यामुळे आता टीम इंडियाचे गोलंदाज पाकिस्तानला या धावा करण्यापासून रोखणार का, याकडे भारतीय समर्थकांचं लक्ष असणार आहे. तर दुसऱ्या बाजूला पाकिस्तान हा सामना जिंकून सुपर 4 मध्ये पोहचण्यासाठी प्रयत्नशील असणार आहे.

टॉप ऑर्डर फ्लॉप

टॉस जिंकून बॅटिंगसाठी आलेल्या टीम इंडियाच्या टॉप ऑर्डरची घसरगुंडी झाली. पाकिस्तानच्या गोलंदाजांनी टीम इंडियाला झटपट 4 झटके देत बॅकफुटवर ढकललं. रोहित शर्मा 11, विराट कोहली 4, श्रेयस अय्यर 14 आणि शुबमन गिल 10 धावा करुन आऊट झाला. त्यामुळे टीम इंडियाची 14.1 ओव्हरमध्ये 4 बाद 66 अशी नाजूक स्थिती झाली. पाकिस्तानने पूर्णपणे सामन्यावर घट्ट पकड मिळवली.

हे सुद्धा वाचा

Hardik Pandya | परिस्थिती गंभीर, हार्दिक पंड्या खंबीर, पाकिस्तान विरुद्ध अर्धशतक

हार्दिक-ईशानची शतकी भागीदारी

आता टीम इंडियाला मोठ्या भागीदारीची गरज होती. टीम इंडियाला बॅकफुटवरुन बाहेर काढण्याची जबाबदारी ही उपकर्णधार हार्दिक पंड्या आणि पाकिस्तान विरुद्ध पहिल्यांदाच खेळणाऱ्या ईशान किशन या दोघांनी घेतली. या दोघांनी सावकाश सुरुवात करत गिअर बदलत टीमला चांगल्या स्थितीत आणलं. या दोघांनी पाचव्या विकेटसाठी विक्रमी भागीदारी केली.

हार्दिक पंड्या आणि ईशान किशन या दोघांनी अर्धशतकं ठोकली. दोघांनाही शतकाची संधी होती. मात्र तसं होऊ शकलं नाही. हरीस रौफ याने ही जोडी फोडली. ईशान 82 धावांवर आऊट झाला. या दोघांनी पाचव्या विकेटसाठी 142 बॉलमध्ये 138 धावांची निर्णायक पार्टनरशीप केली. ईशान आऊट झाल्यानंतर हार्दिकने गिअर बदलला आणि फटेक मारायला सुरुवात केली. मात्र हार्दिकही शतकापासून चुकला. हार्दिकने 90 बॉलमध्ये 87 धावा केल्या.

टीम इंडिया 50 ओव्हर खेळण्यात अपयशी

Innings Break!

A solid show with the bat from #TeamIndia! 👌 👌

8⃣7⃣ for vice-captain @hardikpandya7 8⃣2⃣ for @ishankishan51

Over to our bowlers now 👍 👍

Scorecard ▶️ https://t.co/hPVV0wT83S#AsiaCup23 | #INDvPAK pic.twitter.com/15SNzWM0k1

— BCCI (@BCCI) September 2, 2023

त्यानंतर ऑलराउंडर असलेल्या रविंद्र जडेजा आणि शार्दुल ठाकुर या दोघांनी निराशा केली. जडेजा 14 आणि ठाकुर 3 धावा करुन माघारी परतले. कुलदीप यादव याने 4 धावा केल्या. तर 13 महिन्यांनी वनडेत कमबॅक करणाऱ्या जसप्रीत बुमराह याने निर्णायक 16 धावांची खेळी केली. तर मोहम्मद सिराज 1 धावेवर नाबाद परतला.

पाकिस्तानची पेसरची धमाल

दरम्यान पाकिस्तानच्या पेसर्स अर्थात वेगवान गोलंदाजांनीच सर्वच्या सर्व 10 विकेट्स घेतल्या. शाहीन अफ्रिदी याने सर्वाधिक 4 विकेट्स घेतल्या. तर नसीम शाह आणि हरीस रऊफ या दोघांच्या खात्यात प्रत्येकी 3-3 विकेट्स गेल्या.

टीम इंडिया प्लेईंग इलेव्हन | रोहित शर्मा (कर्णधार), शुबमन गिल, ईशान किशन, विराट कोहली, श्रेयस अय्यर, हार्दिक पंड्या, रविंद्र जडेजा, शार्दुल ठाकूर, कुलदीप यादव, जसप्रीत बुमराह आणि मोहम्मद सिराज.

पाकिस्तान प्लेईंग इलेव्हन | बाबर आजम (कॅप्टन), शादाब खान (उपकर्णधार), फखर जमान, इमाम उल हक, मोहम्मद रिजवान, इफ्तिखार अहमद, सलमान अगहा, मोहम्मद नवाझ, शाहीन अफ्रीदी, नसीम शाह आणि हारिस रऊफ.