RCB vs KKR IPL 2023 Highlight | बंगळुरुला स्पर्धेत दुसऱ्यांदा पाजलं पराभवाचं पाणी, कोलकात्याच्या खात्यात दोन गुण

आयपीएलमध्ये पुन्हा एकदा कोलकात्याचा संघ बंगळुरुवर भारी पडला आहे. कोलकात्याने बंगळुरुचा 21 धावांनी पराभव केला. आतापर्यंत झालेल्या 33 सामन्यातील 19 सामने कोलकात्याने, तर 14 सामने बंगळुरुने जिंकले आहेत.

कोलकात्याने विजयासाठी दिलेलं आव्हान गाठण्यासाठी विराट आणि फाफ जोडी मैदानात उतरली. दोघांनी आक्रमक खेळी करून संघाला चांगली सुरुवात करून दिली. मात्र त्यानंतर विकेट बाद होण्याचं सत्र सुरु झालं. फाफ 7 चेंडूत 17 धावा करून बाद झाला. त्यानंतर आलेला शाहबाज अहमदही चांगली कामगिरी करू शकला नाही.सुयशच्या गोलंदाजीवर पायचीत होत तंबूत परतला.

संघावर आलेलं दडपण दूर करण्यासाठी ग्लेन मॅक्सवेलनं आक्रमक खेळी करण्याचा प्रयत्न केला पण त्यालाही अपेक्षित यश आलं नाही. 5 धावा करून वरुण चक्रवर्थीच्या गोलंदाजीवर बाद झाला.पॉवर प्लेमध्ये 58 धावांवर 3 गडी गमावल्याने संघावर दबाव वाढला.

संघावर दबाव असताना विराट कोहली आणि महिपाल लोमरोर यांनी चांगली भागीदारी केली. पण जोरदार फटकेबाजी करण्याच्या नादात महिपाल लोमरोर बाद झाला. महिपालने 18 चेंडूत 34 धावा केल्या. त्यानंतर विराट कोहली बाद झाला. त्याने 37 चेंडूत 54 धावा केल्या. त्यामुळे संघावरील दडपण आणखी वाढलं.

विराट कोहलीनंतर दिनेश कार्तिक आणि सुयश प्रभूदेसाई यांच्यावर क्रीडाप्रेमींचा नजरा होत्या. मात्र सुयश प्रभूदेसाई धावचीत झाला. त्यामुळे सामना हातून निसटला होता. त्यानंतर दिनेश कार्तिकही काही खास करू शकला नाही. कार्तिक 18 चेंडूत 22 धावा करून बाद झाला.

विराट कोहलीचं स्पर्धेतील पाचवं अर्धशतक

ग्लेन मॅक्सवेल संघासाठी काही विशेष करू शकला नाही. 4 चेंडूत अवघ्या पाच धावा करून बाद झाला.

कोलकात्याकडून जेसन रॉय आणि नारायण जगदीसन ही जोडी मैदानाता उतरली. पहिल्या षटकात दोन चौकर ठोकत जेसन रॉयने चांगली सुरुवात करून दिली. पहिल्या गड्यासाठी दोघांनी अर्धशतकी भागीदारी केली. पॉवर प्लेच्या शेवटच्या षटकात शाहबाज अहमदला तीन सलग षटकार ठोकले. त्यानंतर एक चेंडू निर्धाव गेला. त्यानंतर शेवटच्या चेंडूवर पुन्हा षटकार ठोकत कोलकात्याची गाडी रुळावर आणली. जेसन रॉयने 22 चेंडूत 50 धावा केल्या.

नारायण जगदीसनच्या रुपाने कोलकात्याला पहिला धक्का बसला. वैशाक विजय कुमारच्या गोलंदाजीवर 27 धावा करून बाद झाला. त्यानंतर जेसन रॉयही त्याच्या गोलंदाजीवर बाद झालाय त्याने 29 चेंडूत 56 धावांची खेळी केली. त्याने 5 षटकार आणि 4 चौकार ठोकले.

त्यानंतर नितीश राणा आणि वेंकटेश अय्यर यांनी डाव सावरला. तिसऱ्या गड्यासाठी दोघांनी अर्धशतकी भागीदारी केली. त्यानंतर शेवटच्या षटकात फटकेबाजी करताना नितीश राणा बाद झाला. त्यानंतर वेंकटेश अय्यर 31 धावा करून बाद झाला.

मोहम्मद सिराजच्या गोलंदाजी आंद्रे रसेल त्रिफळाचीत झाला. तो फक्त 2 चेंडू खेळत तंबूत परतला. रिंकु सिंह 18 आणि डेविड विस 12 या धावांवर नाबाद राहिले.

कोलकाता नाइट रायडर्सने रॉयल चॅलेंजर्स बंगळुरुविरुद्ध प्रथम फलंदाजी करताना 20 षटकात 5 गडी गमवून 200 धावा केल्या. बंगळुरुला विजयासाठी 201 धावांचं आव्हान दिलं आहे. आता रॉयल चॅलेंजर्स बंगळुरु हे आव्हान गाठतं का? हे पाहणं महत्त्वाचं ठरणार आहे.

जेसन रॉयची तुफान फटकेबाजी सुरु आहे. सहाव्या षटकात 4 षटकार ठोकत संघाची गाडी रुळावर आणली आहे. पहिल्या गड्यासाठी जेसन रॉय आणि जगदीसननं अर्धशतकी भागीदारी केली आहे.

कोलकाता नाईट रायडर्स (प्लेइंग इलेव्हन): एन जगदीसन (विकेटकीपर), जेसन रॉय, व्यंकटेश अय्यर, नितीश राणा (कर्णधार), रिंकू सिंग, आंद्रे रसेल, सुनील नरेन, डेव्हिड विसे, वैभव अरोरा, उमेश यादव, वरुण चक्रवर्ती

रॉयल चॅलेंजर्स बंगळुरू (प्लेइंग इलेव्हन): विराट कोहली (कर्णधार), शाहबाज अहमद, ग्लेन मॅक्सवेल, महिपाल लोमरर, दिनेश कार्तिक (विकेटकीपर), सुयश प्रभुदेसाई, वानिंदू हसरंगा, डेव्हिड विली, विजयकुमार विशक, हर्षल पटेल, मोहम्मद सिराज.

सामना कुठूनही बदलू शकतो, आम्ही या सामन्यातून पुनरागमन करणार आहोत, असं कोलकात्याचा कर्णधार नितीश राणाने सांगितलं.

आयपीएल 2023 मध्ये कोलकाता नाइट रायडर्सने आपल्या स्पर्धेची सुरुची पराभवाने केली. त्यानंतर आरसीबी आणि गुजराज टायटन्सला पराभूत केलं. त्यानंतर या सलग चार सामन्यात पराभवाचं तोंड पाहावं लागलं आहे.

कोलकात्याचा पूर्ण स्क्वॉड : नीतीश राणा, रिंकू सिंह, रहमनुल्लाह गुरबाज, डेविड वीजा, कुलवंत खेजरोलिया, सुयश शर्मा, अनुकूल रॉय, लॉकी फर्गयूसन, आंद्रे रसेल, वेंकटेश अय्यर, उमेश यादव, हर्षित राणा, टिम साउदी, शार्दुल ठाकुर, सुनील नरेन, वैभव अरोड़ा, वरुण चक्रवर्ती, नारायण जगदीशन, लिट्टन दास, मनदीप सिंह आणि शाकिब अल हसन.

बंगळुरुचा पूर्ण स्क्वॉड : फाफ डु प्लेसी, विराट कोहली, कर्ण शर्मा, महिपाल लोमरोड, ग्लेन मॅक्सवेल, वानिंदु हसारंगा, आकाश दीप, सुयश प्रभुदेसाई, शाहबाज अहमद, हर्षल पटेल, डेविड विली, मोहम्मद सिराज, जॉश हेझलवुड, सिद्धार्थ कौल ,हिमांशु शर्मा, मनोज भंडागे, अविनाश सिंह, राजन कुमार, सोनू यादव, रजत पाटीदार, दिनेश कार्तिक, अनुज रावत, फिन एलेन आणि रीस टॉपले.