Video : IND vs NEP 4, 6, 4, 6 : चीनमध्ये रिंकू सिंग याची तुफानी खेळी, सोशल मीडियावर व्हिडीओ व्हायरल

मुंबई : भारतीय संघ वर्ल्ड कप 2023 मिशनसाठी तयारी करत असताना एशियन गेम्समध्ये युवा खेळाडूंचा संघ पाठवण्यात आला आला आहे. ऋतुराज गायकवाड याच्याकडे संघाच्या कर्धारपदाची धुरा देण्यात आली आहे. एशियन गेम्समध्ये भारतीय संघाने नेपाळसोबत झालेल्या सामन्यात 23 धावांनी विजय मिळवला. या सामन्यामध्ये भारतासाठी उगवता तारा रिंकू सिंह याने सहाव्या क्रमांकावर फलंदाजीला येत तोडफोड फलंदाजी करत भारताला 200 चा टप्पा पार करून दिला. रिंकूचा व्हिडीओ सोशल मीडियावर व्हायरल झाला आहे.

पाहा व्हिडीओ -:

What better than watching Knight Rinku Singh playing for the national team with Knight Aakash Chopra on mic.#AmiKKR | #RinkuSinghpic.twitter.com/cqRKx6yigH

— KnightRidersXtra (@KRxtra) October 3, 2023

भारताने प्रथम फलंदाजी करताना नेपाळ संघासमोर 202- 4 धावांचं लक्ष ठेवलं होतं. यामध्ये भारताचा सलामीवीर यशस्वी जयस्वाल याने 100 धावांची शतकी खेळी केली. यामध्ये 8 चौकार आणि 7 षटकार जयस्वाल याने मारले. जयस्वालने पहिल्या ओव्हरपासून नेपाळच्या गोलंदाजांवर आक्रमण सुरू केलं होतं. पठ्ठ्याने गोलंदाजांना पिसून काढत चांगला घाम काढला.

रिंकूने घेतलं फैलावर

सतराव्या ओव्हरमध्ये यशस्वी जयस्वाल आऊट झाला होता आणि भारतीय संघाच्या 150 धावा झाल्या होत्या. रिंकूने तिथून आपला दांडपट्टा फिरवायला सुरू केला आणि धावसंख्या 200 पेक्षा जास्त केली. रिंकूने अवघ्या 15 चेंडूत नाबाद 37 धावा केल्या. या आक्रमक खेळीमध्ये त्याने तब्बल चार सिक्सर आणि दोन चौकार मारले.

दरम्यान, भारताने हा  सामना फक्त 23 धावांनी जिंकला जर रिंकूने त्या धावा नसत्या केल्या तर भारताचा पराभव निश्चितच होता. रिंकूने केलेल्या 37 धावा भारतीय संघासाठी महत्त्वाच्या ठरल्या. त्यासोबतच शिवम दुबे याच्याही 25 धावांचं महत्त्वपूर्ण योगदान राहिलं.