Shimron Hetmyer vs Jasprit Bumrah IPL 2022: हेटमायर आणि बुमराहची टक्कर MI vs RR सामन्याचा निकाल ठरवणार!
IPL 2022, MI vs RR : गुणतालिका पाहिली तर मुंबईची धार राजस्थानसमोर कमी दिसतेय. पण आयपीएलचे सर्वात मोठे वास्तव हे आहे की येथे सामने कधीही फिरतात.
मुंबई : आयपीएल 2022 (IPL 2022) मध्ये मुंबई इंडियन्सचे पदार्पण राजस्थान रॉयल्ससारखे ‘रॉयल’ नव्हते. राजस्थानने पहिल्या सामन्यात सनरायझर्स हैदराबादविरुद्ध एकतर्फी विजय मिळवून स्पर्धेची दणक्यात सुरुवात केली होती. त्याचवेळी मुंबई इंडियन्सला दिल्ली कॅपिटल्सकडून पराभव पत्करावा लागला. अशा स्थितीत आता मुंबईला दुसरा सामना जिंकायचा आहे. त्याचबरोबर राजस्थानलाही आपला विजयरथ सुरुच ठेवायचा आहे. आजच्या सामन्यात शिमरॉन हेटमायर (Shimron Hetmyer) हा अष्टपैलू गोलंदाज राजस्थानसाठी एक्स फॅक्टर ठरू शकतो. त्याचबरोबर जसप्रीत बुमराह (Jasprit Bumrah) मुंबई इंडियन्ससाठी मोठी भूमिका बजावू शकतो. पॉइंट्स टॅलीचे ताजे ट्रेंड्स पाहता मुंबईची धार राजस्थानसमोर कमकुवत दिसते. पण आयपीएलचे सर्वात मोठे वास्तव हे आहे की येथे सामने कधीही फिरतात. यात जर एक्स फॅक्टर खेळाडूंच्या हातात सूत्र असतील तर त्या सामन्याचा निकाल सांगणं सर्वात अवघड आहे.
मुंबई विरुद्ध राजस्थान सामन्यात शिमरॉन हेटमायर आणि जसप्रीत बुमराह हे दोन एक्स फॅक्टर खेळाडू आहेत. त्यामुळे आजच्या सामन्याचा निकाल प्रामुख्याने या दोघांच्या हातात आहे.
हेटमायर vs SRH
शिमरॉन हेटमायरचा सध्याचा फॉर्म जबरदस्त आहे. सनरायझर्सविरुद्ध, त्याने सुमारे 247 च्या स्ट्राइक रेटने धावा केल्या. त्याने सनरायझर्सविरुद्ध फक्त 13 चेंडूंचा सामना केला, ज्यामध्ये 5 चेंडू सीमापार पाठवले गेले, ज्यामध्ये 3 षटकार होते. 13 चेंडूत त्याने एकूण 32 धावा करत संघाच्या विजयात मोलाचा वाटा उचलला.
बुमराह vs DC
दुसरीकडे, बुमराहचा सध्याचा फॉर्म हेटमायरच्या अगदी उलट आहे. दिल्ली कॅपिटल्सविरुद्धच्या पहिल्या सामन्यात बुमराहच्या गोलंदाजीची धार पाहायला मिळाली नाही. त्याने 3.2 षटके गोलंदाजी केली आणि त्यात 43 धावा दिल्या, विशेष म्हणजे त्याला एकही विकेट मिळाली नाही.
हेटमायर vs बुमराह
हेटमायर विरुद्ध बुमराह यांच्यात टी-20 मध्ये सामना होतो, तेव्हा मुंबई इंडियन्सच्या गोलंदाजाचं पारडं जड दिसतं. हेटमायर आणि बुमराह हे दोघे टी-20 मध्ये 6 वेळा आमनेसामने आले आहेत. हेटमायर या 6 डावात 3 वेळा बुमराहचा बळी ठरला आहे. त्याने 6 डावात बुमराहचे 13 चेंडू खेळले आणि केवळ 12 धावा केल्या. यादरम्यान हेटमायरच्या बॅटमधून फक्त एक चौकार आला आहे.
आता हाच आकड्यांचा खेळ आजच्या सामन्यातही दिसला तर राजस्थानच्या अडचणी वाढताना दिसतील आणि मुंबई इंडियन्सचा विजयाचा मार्ग सुकर होताना दिसू शकतो. मात्र हेटमायरचा सध्याचा फॉर्म खूप महत्त्वाचा आहे.
इतर बातम्या
Shahrukh Khan on Andre Russell: आंद्रे रसेल नामक वादळावर शाहरुख खान खूश, म्हणाला, ‘बऱ्याच दिवसांनी…’
IPL 2022, MI vs RR Live Streaming: जाणून घ्या कधी आणि कुठे पाहता येईल मुंबई विरुद्ध राजस्थान सामना
