BAN vs SA: बांगलादेश विरूद्धच्या कसोटी मालिकेसाठी दक्षिण आफ्रिकेची घोषणा
Bangladesh vs South Africa Test Series: दक्षिण आफ्रिका बांगलादेश दौऱ्यावर जाणार आहे. दक्षिण आफ्रिका या दौऱ्यात बांगलादेश विरुद्ध 2 सामन्यांची कसोटी मालिका खेळवण्यात येणार आहे.
बांगलादेश विरुद्ध दक्षिण आफ्रिका यांच्यात ऑक्टोबर-नोव्हेंबर महिन्यात 2 सामन्यांची कसोटी मालिका खेळवण्यात येणार आहे. या मालिकेसाठी दक्षिण आफ्रिका क्रिकेट बोर्डाने संघ जाहीर केला आहे. टेम्बा बावुमा या दक्षिण आफ्रिकेचं नेतृत्व करणार आहे. दक्षिण आफ्रिका या मालिकेसाठी बांगलादेश दौरा करणार आहे. दक्षिण आफ्रिकेने या मालिकेत 3 स्पिनर्सचा समावेश केला आहे. या तिघांमध्ये केशव महाराज, डेन पीट आणि सेनुरन मुथुसामी याचा समावेश आहे. हा फिरकी गोलंदाज मार्च 2023 पासून कसोटी संघातून बाहेर होता.
सेनुरन मुथुसामी याने आतापर्यंत दक्षिण आफ्रिकेचं एकूण 3 कसोटी सामन्यांमध्ये प्रतिनिधित्व केलं आहे. मुथुसामीने 2019 मध्ये टीम इंडिया विरुद्ध पदार्पण केलं होतं. तर अखेरचा सामना हा 2023 साली विंडिज विरुद्ध खेळला होता. मुथुसामीने 3 सामन्यांमध्ये 2 विकेट्स घेण्यासह 105 धावा केल्या आहेत. तसेच मुथुसामीने फर्स्ट क्लास क्रिकेटमध्ये 30.41 च्या सरासरीने 5 हजारच्या आसपास धावा आणि 247 विकेट्स घेतल्या आहेत.
दक्षिण आफ्रिकेच्या निवड समितीने या मालिकेसाठी 4 वेगवान गोलंदाजांची निवड केली आहे. या चौघांमध्ये कगिसो रबाडा, नांद्रे बर्गर, डेन पेटरसन आणि वियाम मुल्डरचा समावेश आहे. तर लुंगी एन्गिडी आणि मिगेल प्रीटोरियस या दोघांना संधी मिळाली नाही. उभयसंघातील पहिला सामना हा 21 ते 25 ऑक्टोबर दरम्यान ढाका येथे आयोजित करण्यात आला आहे. तर दुसरा सामना हा 2 ते 6 नोव्हेंबर दरम्यान चट्टोग्राम येथे होणार आहे. या दौऱ्याआधी बांगलादेशमध्ये भीषण अराजकता होती. त्यामुळे या दौऱ्याबाबत अनिश्चितता होती. मात्र दक्षिण आफ्रिकेच्या सुरक्षा टीमने योग्य चौकशी केल्यानंतर दौऱ्यासाठी हिरवा कंदील दिला
कसोटी मालिकेचं वेळापत्रक
- पहिला सामना, सोमवार 21 ते शुक्रवार 25 ऑक्टोबर , शेरे बांगला क्रिकेट स्टेडियम, ढाका
- दुसरा सामना, मंगळवार 29 ऑक्टोबर ते शनिवार 2 नोव्हेंबर, झहुर अहमद चौधरी स्टेडियम, चट्टोग्राम
बांगलादेश विरूद्धच्या कसोटी मालिकेसाठी दक्षिण आफ्रिकेचा संघ : टेम्बा बावुमा (कॅप्टन), डेव्हिड बेडिंगहॅम, मॅथ्यू ब्रेट्झके, नांद्रे बर्गर, टोनी डी झोर्झी, केशव महाराज, एडन मार्करम, विआन मुल्डर, सेनुरान मुथुसामी, डेन पॅटरसन, डेन पिएड, कागिसो रबाडा, ट्रिस्टन स्टब्स, रायन रिकेल्टन आणि काइल व्हर.
