SRH vs MI IPL 2023 Highlights | मुंबईचा हैदराबादवर 14 धावांनी विजय, पलटणचा सलग तिसरा विजय

हैदराबाद | आयपीएल 16 व्या मोसमातील 25 व्या सामन्यात मुंबई इंडियन्स टीमने सनरायजर्स हैदराबाद टीमवर 14 धावांनी विजय मिळवला आहे.  मुंबई इंडियन्सचा हा या मोसमातील सलग तिसरा विजय ठरला आहे.  मुंबईने हैदराबादला विजयासाठी 193 धावांचे आव्हान दिले होते. मात्र मुंबईच्या गोलंदाजांनी हैदराबादला 19.5 ओव्हरमध्ये 178 धावांवर ऑलआऊट केलं. या सामन्याचं आयोजन हे राजीव गांधी स्टेडियममध्ये करण्यात आलं होतं.  सनरायजर्स हैदराबाद आणि मुंबई इंडियन्स या दोन्ही संघांचा हा या मोसमातील पाचवा सामना होता. आतापर्यंत दोन्ही संघांनी खेळलेल्या 4 पैकी 2 सामन्यात विजय मिळवला होता. विशेष बाब म्हणजे दोन्ही संघांचा सुरुवातीच्या दोन्ही सामन्यात पराभव झाला होती. तर त्यानंतर सलग तिसऱ्या आणि चौथ्या सामन्यात विजय मिळवला आहे. यामुळे दोन्ही संघांना ही मॅच जिंकून विजयाची हॅटट्रिक पूर्ण करण्याची संधी होती. मात्र मुंबईने हैदराबादवर मात करत विजयाची हॅट्रिक पूर्ण केली आहे.

Published On - Apr 18,2023 5:57 PM