IND vs BAN Head To Head: टीम इंडियाची बांगलादेश विरुद्ध आकडेवारी कशी?

आयसीसी टी 20 वर्ल्ड कप 2024 स्पर्धेतील 47 वा आणि सुपर 8 मधील सातव्या सामन्यात टीम इंडिया विरुद्ध बांगलादेश आमनेसामने असणार आहे. हा सामना 22 जून रोजी एटींग्वा येथील सर व्हीव्हीएन रिचर्ड्स स्टेडियममध्ये होणार आहे. सामन्याला भारतीय वेळेनुसार 8 वाजता सुरुवात होणार आहे. टीम इंडियाचा या सामन्यात विजय मिळवून सेमी फायनलमध्ये पोहचण्याचा प्रयत्न असणार आहे. तर दुसर्‍या बाजूला बांगलादेश सुपर 8 मधील पहिल्या पराभवानंतर कमबॅकच्या शोधातअसणार आहे. टीम इंडिया-बांगलादेश यांच्यात एकमेकांविरुद्ध टी 20 फॉर्मेटमध्ये आकडेवारी कशी आहे? हे जाणून घेऊयात.

टीम इंडिया सरस

टी 20आय फॉर्मेटमध्ये टी इंडिया बांगलादेशवर वरचढ राहिली आहे. टीम इंडिया विरुद्ध बांगलादेश यांच्यात आतापर्यंत एकूण 13 सामने झाले आहेत. टीम इंडियाने 13 पैकी 12 सामन्यात विजय मिळवला आहे. तर बांगलादेशला केवळ 1 सामनाच जिंकता आला आहे. तसेच टी 20 वर्ल्ड कपमध्ये दोन्ही संघात 4 सामने झाले आहेत. या चारही सामन्यात टीम इंडियाच विजयी राहिली आहे. त्यामुळे एकूणच टीम इंडियाचाच बोलबाला राहिला आहे.

दरम्यान टीम इंडियाने सुपर 8 मध्ये अफगाणिस्तानवर 47 धावांनी विजय मिळवला. तर त्याआधी टीम इंडियाने साखळी फेरीत आयर्लंड, पाकिस्तान आणि यूएसएवर मात केली होती. तर कॅनडा विरुद्धचा सामना रद्द झाला. तर दुसऱ्या बाजूला बांगलादेशने साखळी फेरीत दक्षिण आफ्रिकेचा अपवाद वगळता श्रीलंका, नेदरलँड्स आणि नेपाळवर विजय मिळवला. मात्र सुपर 8 मध्ये पहिल्या सामन्यात दक्षिण आफ्रिकेने बांगलादेशला पराभूत केलं.

टी 20 वर्ल्ड कपसाठी टीम इंडिया : रोहित शर्मा (कर्णधार), हार्दिक पंड्या (उपकर्णधार), यशस्वी जयस्वाल, विराट कोहली, सूर्यकुमार यादव, ऋषभ पंत (विकेटकीपर), संजू सॅमसन (विकेटकीपर), शिवम दुबे, रवींद्र जडेजा, अक्षर पटेल, कुलदीप यादव, युझवेंद्र चहल , अर्शदीप सिंग, जसप्रीत बुमराह आणि मोहम्मद सिराज.

बांग्लादेश क्रिकेट टीम: नजमुल हुसेन शांतो (कर्णधार), तांझिद हसन, लिटॉन दास (विकेटकीपर), शकिब अल हसन, तॉहीद ह्रदोय, महमुदुल्ला, महेदी हसन, रिशाद हुसेन, तस्किन अहमद, तन्झिम हसन साकिब, मुस्तफिजुर रहमान, जाकेर अली, तन्वीर इस्लाम, शरीफुल इस्लाम आणि सौम्या सरकार.