Kapil Dev Video | टीम इंडियाचे माजी कर्णधार कपिल देव यांचं अपहरण?

मुंबई | एक खळबळजनक आणि क्रिकेट चाहत्यांचं टेन्शन वाढवणारी बातमी समोर आली आहे. टीम इंडियाचे माजी कर्णधार दिग्गज कपिल देव यांचं अपहरण झाल्याची भीती सोशल मीडियावर व्यक्त केली जात आहे. कपिल देव यांचा एक व्हीडिओ व्हायरल झाला आहे. या व्हीडिओत कपिल देव यांचं अपहरण केलं जात आहे. टीम इंडियाचा माजी सलामीवीर गौतम गंभीर यानेही हाच व्हीडिओ शेअर केला आहे. “हा व्हीडिओ आणखी कुणाकडे आला आहे का? कपिल देव सुखरुप आणि सुरक्षित असतील अशीच आशा आहे”,अंसं म्हणत गंभीरने कपिल देव यांचा व्हीडिओ काळजीपोटी शेअर केला आहे.

व्हायरल व्हीडिओत काय?

या व्हायरल व्हीडिओत कपिल देव यांचं तोंड आणि हात बांधलेले आहेत. त्यांना दोघे जण कुठेतरी घेऊन जाताना दिसत आहेत. त्या आसपास मोठ्या प्रमाणात झाडं दिसून येत आहेत. काहींनी शंका व्यक्त करत म्हटलंय की हे कपिल देव नाहीच. तर काही जण म्हणतायेत की खरंच कपिल देव याचं अपहरण झालंय का?

या व्हायरल व्हीडिओमुळे अनेक जण संभ्रमात आहेत. काही नेटकरी विचारत आहेत की हा व्हीडिओ खोटा आहे. तर काही जण म्हणातेयत की हा व्हीडिओ जाणीवपूर्व तयार करण्यात आला आहे. या व्हीडिओबाबत अनेक दावे केले जात आहेत.

व्हायरल व्हीडिओ

Anyone else received this clip, too? Hope it’s not actually @therealkapildev 🤞and that Kapil Paaji is fine! pic.twitter.com/KsIV33Dbmp

— Gautam Gambhir (@GautamGambhir) September 25, 2023

व्हीडिओची सत्यता काय?

कपिल देव यांचा व्हायरल झालेला व्हीडिओ हा खरा नसल्याचा दावा केला जात आहे. कपिल देव यांचा व्हीडिओ हा एका जाहीरातीचा भाग असल्याचं म्हटलं जात आहे. हल्ली सरार्सपणे अनेक कंपन्यांकडून चित्तवेधक आणि लक्षवेधक जाहीराती केल्या जातात. सर्वसामांन्यांचं लक्ष वेधून घेण्यासाठी वेगवेगळ्या पद्धतींचा अवलंब केला जातो. तोच प्रकार कपिल देव यांच्या व्हीडिओबाबतही असल्याचं म्हटलं जात आहे.

दरम्यान याआधी अशाच प्रकारे कॉमेंटेटर हर्षा भोगले यांनी एका मुलाखतीदरम्यान त्यांचं अपहरण केल्याचं नाटक केलं होतं. त्यानंतर भोगले यांनी जाहीर माफीही मागितली होती. त्यामुळे कपिल देव यांचाही व्हीडिओ प्रँक किंवा जाहीरातीचा भाग असून ते सुखरुप असतील, अशी आशा व्यक्त केली जात आहे.