मुंबई : आयपीएलच्या (IPL 2022) पंधराव्या सीजनमध्ये आजचा 62 वा सामना चेन्नई सुपर किंग्ज (CSK) आणि गुजरात टायटन्स (GT) यांच्यात झाला. मुंबईतील वानखेडे स्टेडियमवर खेळल्या गेलेल्या या सामन्यात चेन्नईने नाणेफेक जिंकून प्रथम फलंदाजी करताना 133 धावा केल्या. अशा स्थितीत 134 धावांचे लक्ष्य गुजरातनं 19.1 षटकांत 3 गडी गमावून पूर्ण केले. गुजरातने 10वा सामना 7 गडी राखून सामना जिंकला. या सामन्यात चेन्नईकडून ऋतुराज गायकवाडने 53, एन जगदीसनने नाबाद 39, मोईन अलीने 21 आणि कर्णधार महेंद्रसिंग धोनीने 7 धावा केल्या. गुजरातकडून मोहम्मद शमीने दोन तर राशिद खान, अल्झारी जोसेफ आणि आर साई किशोर यांनी प्रत्येकी एक विकेट घेतली. 134 धावांच्या लक्ष्याचा पाठलाग करताना गुजरात टायटन्सला वृद्धीमान साहा आणि शुभमन गिल यांनी चांगली सुरुवात केली. शुभमन गिल 18 धावा करून बाद झाला. मॅथ्यू वेड 20 धावा करून पॅव्हेलियनमध्ये परतला. हार्दिक पंड्या 7 धावा करून बाद झाला. रिद्धिमान साहा 67 आणि डेव्हिड मिलर 15 धावा करून नाबाद परतला.
आठव्या षटकात श्रीलंकेचा युवा गोलंदाज मथिशा पाथिराना गोलंदाजीसाठी आला. ‘ज्युनियर मलिंगा’ असेही संबोधले जाते. पाथीरानाने आयपीएल कारकिर्दीतील पहिल्याच चेंडूवर शुभमन गिलला LBW बाद केले. शुभमन 17 चेंडूत 18 धावा करू शकला.
L. B. W! ☝️
A first-ball wicket on the IPL debut for Matheesha Pathirana! ? ?#GT lose Shubman Gill in the chase.
गुजरात टायटन्सला 14व्या षटकात 100 धावांवर तिसरा धक्का बसला. मथिशा पाथिरानाने गुजरातचा कर्णधार हार्दिक पांड्याला शिवम दुबेकडून झेलबाद केले. पाथीरानाला सहा चेंडूंत सात धावा करता आल्या. पाथीरानाचे हे दुसरे यश ठरले. तत्पूर्वी त्याने शुभमनला पॅव्हेलियनमध्ये पाठवले.
Second success with the ball for Matheesha Pathirana! ? ?
A huge wicket for @ChennaiIPL as Hardik Pandya gets out. ? ?
आजच्या विजयासह गुजरातनं गुणतालिकेत अव्वल स्थान कायम राखत अव्वल दोनमध्ये आपले स्थान पक्के केलं आहे. संघाला रॉयल चॅलेंजर्स बंगळुरूविरुद्ध गटातील शेवटचा सामना खेळायचा आहे. तो सामना गमावल्यानंतरही गुजरात संघ पहिले दोन स्थान कायम राखेल. याचाच अर्थ संघाला अंतिम फेरीत जाण्याची अतिरिक्त संधी मिळणार आहे.
