आज टीम इंडियाचा (Team India) ऑस्ट्रेलियाविरुद्ध (Australia) तिसरा सराव सामना सुरु आहे. टीम इंडियाने ऑस्ट्रेलियाविरुद्धची मालिका जिंकल्यापासून खेळाडूंचं मनोबल वाढलं आहे. त्यामुळे टीम इंडियाची फलंदाजी अधिक चांगली होताना पाहायला मिळत आहे. केएल राहुल आणि सुर्यकुमार यादव (Surykumar Yadhav) या दोन फलंदाजांनी आज पुन्हा ऑस्ट्रेलिया गोलंदाजांची चांगली धुलाई केली. सुर्यकुमार यादवचा एक शॉट मारतानाचा व्हिडीओ व्हायरल झाला आहे.
आशिया चषक, ऑस्ट्रेलिया, दक्षिण आफ्रिकेविरुद्ध आत्तापर्यंत सुर्यकुमार यादवने चांगली कामगिरी केली आहे. त्यामुळे विश्वचषक स्पर्धेत तो चांगली कामगिरी करेल अशी चाहत्यांना आशा आहे.
आज टीम इंडियाचा ऑस्ट्रेलियाविरुद्ध सराव मॅच सुरु आहे, त्यामध्ये केएल राहूलने 32 चेंडूत 57 धावा केल्या आहेत, तर सुर्यकुमार यादवने 33 चेंडूत 50 धावा केल्या आहेत. त्यामुळे टीम इंडियाला मोठी धावसंख्या उभारता आली. आजच्या सामन्यात सुर्यकुमार यादवने 6 चौकार आणि 1 षटकार लगावला आहे.
टीम इंडियाने पहिल्यांदा फलंदाजी करताना 20 ओव्हरमध्ये 186 धावा काढल्या.
