वर्ल्डकप स्पर्धेत भारत-पाकिस्तान सामन्याचा थरार, एकाच दिवशी दोन सामने! क्रीडाप्रेमींना पर्वणी

भारतीय क्रीडारसिकांची उत्सुकता आता शिगेला पोहोचली आहे. भारतीय मातीतला खो-खो हा खेळ आता जागतिक पातळीवर आपली छाप टाकणार आहे. पहिल्या वहिल्या वर्ल्डकप स्पर्धेला 13 जानेवारीपासून सुरुवात होणार आहे. पहिलाचा हायव्होल्टेज सामना हा भारत आणि पाकिस्तान या प्रतिस्पर्ध्यांमध्ये असणार आहे. महिला आणि पुरुष खो-खो संघाचा पहिला सामना पाकिस्तानशी होणार आहे. 13 जानेवारीला सर्वात प्रथम पुरुष संघाचा संध्याकाळी 7 वाजता भारत आणि पाकिस्तान यांच्यात सामना होणार आहे. त्यानंतर याच दिवशी संध्याकाळी 8 वाजून 15 मिनिटांनी महिला संघ पाकिस्तानशी भिडणार आहे. त्यामुळे या वर्ल्डकपची सुरुवातच धमाकेदार होणार आहे. खो-खो म्हणत गुणाला दाद मिळणार यात शंका नाही. तसेच प्रत्येक गुणांची चढाओढ पाहता उत्कंठा वाढणार यात दुमत नाही.