ऑलिम्पिकमध्ये नीरज चोप्रा गोल्डसाठी लढणार, किती वाजता आहे फायनल? जाणून घ्या

पॅरिस ऑलिम्पिक 2024 मध्ये आजचा दिवस भारतासाठी महत्तावाचा आहे. आतापर्यंत भारताला फक्त तीन पदके जिंकता आली आहेत. तिन्ही कांस्य पदके असून अजुनही सुवर्णपदकापासून भारत वंचित आहे. मात्र सर्व देशवासियांना गोल्डन बॉय नीरज चोप्राकडून अपेक्षा फक्त पदकाची नाहीतर सुवर्ण पदकाची आशा आहे. आज रात्री 8 ऑगस्टला भालाफेक फायनल पार पडणार आहे. मागील ऑलिम्पिकमध्ये सुवर्ण पदक जिंकणाऱ्या नीरजसमोर पाकिस्ताानच्या अर्शद नदीमचे आव्हान असणार आहे.

देशातलील प्रत्येकाला आता नीरज चोप्राकडून आशा आहेत. ऑलिम्पिक भालाफेकच्या पात्रता फेरीमध्ये नीरज चोप्राने एक नंबरवर राहिला होता. नीरजने पात्रता फेरीमध्ये 89.34 मीटर भाला टाकला होता. हा सर्वाधिक दूर फेकलेला भाला होता. त्यानंतर ग्रेनेडाच्या पीटर अँडरसनने 88.63 मीटर, तिसऱ्या स्थानी जर्मनीच्या वेबर ज्युलियनने 87.76 मीटर, चौथ्या स्थानी पाकिस्तानच्या अर्शद नदीमने 86.59 मीटर भाला फेकला.

भालाफेक फायनल रात्री 11.45 ला सुरू होणार आहे. भालाफेकमध्ये एकून 12 खेळाडूंनी फायनलमध्ये प्रवेश केला आहे. फोनवर भालाफेक पाहण्यासाठी जिओ सिनेमावर तुम्ही पाहू शकता. नीरजने स्वत:ला आव्हान दिलं असून त्याने 90 मीटरपेक्षा जास्त दूर भाला फेकायचा आहे. यंदाच्या ऑलिम्पिकमध्ये सुवर्णपदकासह नीरज हा विक्रम मोडतो का याकडे चाहत्यांचं लक्ष लागलं आहे.

भारताला कुस्तीपटू विनेश फोगाट हिला अपात्र केल्याने सर्वांनाच धक्का बसला. 50 किली वजन गटात फ्री स्टाईल कुस्ती प्रकारामध्ये तिने फायनल गाठली होती. मात्र फायनल स्पर्धेआधी तिचे वजन 100 ग्रॅम जास्त भरल्याने तिला अपात्र ठरवण्यात आलं. भारतीयांसाठी हा मोठा धक्का होता. त्यामुळे आज रात्री नीरजकडून करोडो भारतीयांना अपेक्षा आहेत.