Samsung Galaxy Note 20 लवकरच लाँच होणार, स्मार्टफोनचे डिझाईन समोर
येत्या डिसेंबरपर्यंत Galaxy Note 20 हा स्मार्टफोन बाजारात येऊ शकतो, अशी माहिती समोर येत (Samsung Galaxy Note 20) आहे.
मुंबई : गेल्या काही दिवसांपासून Samsung आपल्या स्मार्टफोनच्या संख्येत सातत्याने वाढ करत (Samsung Galaxy Note 20) आहे. नुकतंच कंपनीने भारतात Galaxy S10 Lite आणि Galaxy Note 10 Lite हे दोन फोन लाँच केले होते. हे दोन्ही स्मार्टफोन हे ओरिजनल वेरियंटच्या लाईट वर्जन्स होते. त्यानंतर आता कंपनी नेक्स्ट जनरेशन गॅलेक्सी नोट स्मार्टफोन आणण्याच्या तयारीत आहे. येत्या डिसेंबरपर्यंत Galaxy Note 20 हा स्मार्टफोन बाजारात येऊ शकतो, असे म्हटलं जात आहे
Galaxy Note 20 या स्मार्टफोनचे डिझाईन आइस यूनिवर्स या ट्विटर अकाऊंटवरुन शेअर करण्यात आलं आहे. यावरुन काही तज्ज्ञांनी या नव्या स्मार्टफोनमधील अपकमिंग फ्लॅगशिप फोनच्या फिचरचा अंदाज लावला आहे. यानुसार सॅमसंगने यंदाच्या वर्षीही आपल्या स्मार्टफोनचे डिझाईन जवळपास समान ठेवले आहे.
येत्या महिन्यात लाँच होणाऱ्या Galaxy S20 शी मिळत्या जुळत्या डिझाईन आणि फिचर्स गॅलेक्सी नोट 20 असू शकतो. यात बॅक पॅनलमध्ये असणारे कॅमेरा युनिटही असणार आहे.
This may be the framework design of the Galaxy Note20, which is logical. pic.twitter.com/bO5w937vy2
— Ice universe (@UniverseIce) January 26, 2020
या फोनचे फ्रंट लूक नेमकं कसं असेल? याबाबत अद्याप कोणतीही माहिती समोर आलेली नाही. मात्र या फोनचे कंट्रोल बटण डाव्या बाजूला असू शकतात अशी माहिती समोर येत आहे. गॅलेक्सी S20 मध्ये ही बटण उजव्या बाजूला होती. हा फोन इन-डिस्प्ले फिंगरप्रिंट सेन्सरसोबत येतो. नव्या गॅलेक्सी नोट 20 च्या बॉटममध्ये यूएसबी टाईप-C कनेक्टर आणि स्टायलस कंपार्टमेंटही देण्यात आलं आहे.
या फोनचे स्पेसिफिकेशन्सबाबत मात्र अद्याप कोणतीही माहिती समोर आलेली नाही. तज्ज्ञांनी दिलेल्या माहितीनुसार, हा फोन कमीत कमी 8 जीबी रॅम आणि स्नॅपड्रॅगन 865 चिपसेटपेक्षा कमी असू शकतो. या फोनमध्ये 120 Hz रिफ्रेश रेटसोबत क्वॉड HD+ डायनामिक AMOLED डिस्प्ले दिला (Samsung Galaxy Note 20) आहे.
