WhatsApp Feature | तुमचा मोबाईल क्रमांक नाही दिसणार, व्हॉट्सॲपचे युनिक फीचर

नवी दिल्ली | 31 डिसेंबर 2023 : व्हॉट्सॲप जगातील सर्वाधिक वापर होणारे मॅसेजिंग ॲपपैकी एक आहे. दररोज कोट्यवधीच नाही तर अब्जावधी लोक त्याचा वापर करतात. आता हा केवळ मॅसेजिग ॲप पुरते मर्यादीत राहिलेले नाही. त्यावर व्हिडिओ-ऑडिओ कॉल, पैशांचा व्यवहार आणि इतर अनेक धमाल करता येतात. व्हॉट्सॲपवर अनोळखी लोकांशी संवाद साधताना अडचण येते. आपला मोबाईल क्रमांक नाहक अनोळखी व्यक्तीला द्यावा वाटत नाही. त्यासाठी व्हॉट्सॲप खास फीचर आणण्याच्या तयारीत आहे. काय आहे हे फीचर, कसा होतो त्याचा वापर, कसा होईल त्याचा फायदा?

नवीन फीचरवर सुरु आहे काम

बिझनेस टुडेमध्ये याविषयीचा एक अहवाल सादर झाला आहे. WA Beta Info च्या दाव्या आधारे ही माहिती देण्यात आली आहे. त्यानुसार, मोबाईल क्रमांक शेअर करण्याविषयीची अडचण लवकरच दूर होईल. कारण व्हॉट्सअपने यावर तोडगा काढला आहे. व्हॉट्सॲप या नवीन फीचरवर काम करत आहे. त्यात तुमचा मोबाईल क्रमांक न उघड होता, अनोळखी व्यक्तीशी तुम्हाला चॅटिंग करता येईल.

मोबाईल क्रमांकावऐवजी दिसेल युझरनेम

या अहवालानुसार, व्हॉट्सॲपचे युझर्स लवकरच या फीचरचा वापर करु शकतील. या फीचरचा वापर करुन युझर एक युनिक युझरनेम तयार करु शकतील. त्यामुळे त्यांची ओळख लपवून त्यांना संवाद साधता येईल. त्यांचा मोबाईल क्रमांक दिसणार नाही आणि युझरनेम पण युनिक ठेवता येईल. ॲड्राईड आणि वेबच्या युझर्ससाठी ही नवीन सुविधा मिळेल.

युझरच्या नावानेच होईल सर्च

या फीचरचे आणखी एक वैशिष्ट्ये समोर आले आहे. डब्ल्यूए बीटा इंफो नुसार, युझरच्या नावाने सर्च करता येईल. सर्च बार वर जाऊन युझरचे नाव टाईप करावे लागेल. त्यामुळे युझरचा फोन क्रमांक उघड होणार नाही आणि युझरची वैयक्तिक माहिती उघड होणार नाही. त्यांना बिनधास्त चॅटिंग करता येईल.

सध्या सुरु आहे चाचपणी

सध्या या फीचरची चाचपणी सुरु आहे. व्हॉट्सॲपची मुळ कंपनी मेटाने या फीचरविषयी अजून अधिकृतपणे काहीच जाहीर केलेले नाही. सध्या बीटा युझर्सच्या काही ग्रुपवर या फीचरची टेस्टिंग सुरु आहे. त्यातील अडचणी दूर झाल्या नंतर हे फीचर युझर्ससाठी रोलआऊट होईल. या फीचरचा वापर करुन युझर एक युनिक युझरनेम तयार करु शकतील. त्यामुळे त्यांची ओळख लपवून त्यांना संवाद साधता येईल.