iPhone ने नादच केला, ‘इनॅक्टिव्हिटी रिबूट’ फीचरमुळे पोलिसांनाही फुटेल घाम

‘बस नाम ही काफी हैं’ असं आपण Apple कंपनीला सुरक्षेच्या बाबतीत म्हणून शकतो. कारण, Apple ची प्रायव्हसी आणि सुरक्षितता दमदार आहे. आता यातच Apple ने पुन्हा युजर्सच्या सुरक्षेच्याबाबबीत एक मोठी झेप घेतली आहे. Apple कंपनीने आयफोनमध्ये ‘इनॅक्टिव्हिटी रिबूट’ फीचर आणले आहे. Apple चे ‘इनॅक्टिव्हिटी रिबूट’ फीचरमुळे हॅकर्स आणि अगदी पोलिस आणि सुरक्षा अधिकाऱ्यांना फोन अनलॉक करणे अशक्य आहे. नव्या अपडेटनंतर आयफोनचे लॉक तोडणे सोपे राहिलेले नाही.

तुम्हाला माहिती आहे की, iOS 18.1 अपडेटनंतर आयफोन आणखी अपडेट झाला आहे. या iOS 18.1 अपडेटनंतर आता तुमचा आयफोन काही दिवस अनलॉक झाला तर तो आपोआप रिबूट होईल. समजायला थोडे कठीण आहे पण आम्ही तुम्हाला सोपे करून सांगत आहोत.

आयफोनची प्रायव्हसी मजबूत

तुम्हाला माहिती आहे की, आयफोन आधीपासूनच मजबूत प्रायव्हसी आणि सिक्युरिटी फीचर्ससाठी प्रसिद्ध आहे. त्यात आता नव्या अपडेटनंतर Apple कंपनीने आता आयफोनची प्रायव्हसी आणखी मजबूत केली आहे. आता नव्या अपडेटमुळे एक अ‍ॅक्टिव्हिटी टाईमर काम करत आहे. हा टाईमर विशिष्ट काळानंतर AFU स्थितीत डिव्हाईसला BFU स्थितीत रिबूट करतो. आता AFU आणि BFU म्हणजे काय हे खाली जाणून घ्या.

हे सुद्धा वाचा

फोनचा पासवर्ड लक्षात नाही? ‘असा’ करा अनलॉक, जाणून घ्या

ब्रेकफास्टमध्ये ट्राय करा हे साऊथ इंडियन डिश, सर्वजण करतील कौतुक

मणिपूर येथे चकमकीत 10 कुकी बंडखोर ठार, सीआरपीएफचा एक जवान जखमी

नवीन मारुती डिझायर कार लॉन्च,काय आहेत फिचर्स आणि किंमत ?

AFU आणि BFU म्हणजे काय?

AFU याला After First Unlock असं म्हणतात. म्हणजेच फोन एकदा अनलॉक झाला आहे. फर्स्ट अनलॉक ( BFU ) होण्याआधी जेव्हा फोन एकदाही अनलॉक झालेला नसतो आणि या टप्प्यावर आयफोनमध्ये प्रवेश करणे खूप कठीण असते.

तपास यंत्रणा आणि अ‍ॅपल यांच्यात वाद का?

आयफोनमधील निष्क्रिय रिबूट फीचर अशा वेळी आले आहे जेव्हा सरकारी तपास संस्था किंवा अधिकारी आणि स्मार्टफोन कंपन्यांमध्ये बराच काळ वाद सुरू आहे. तपास अधिकाऱ्यांना त्यांच्या तपासात मदत करण्यासाठी जप्त केलेल्या डिव्हाईसमधून डेटा काढायचा असतो. त्याचबरोबर अ‍ॅपलसारखे स्मार्टफोन ब्रँड्स इतर कंपन्यांपेक्षा वेगळे राहण्यासाठी लोकांच्या प्रायव्हसीचे पुरस्कर्ते म्हणून स्वत:ला सादर करतात. यामुळे हा वाद वाढतो.

अ‍ॅपलचे सुरक्षेच्या दृष्टीने मोठे पाऊल

अ‍ॅपलचे हे पाऊल सुरक्षेच्या दृष्टीने मोठे पाऊल आहे, असं म्हणता येईल. यावरून कंपनी युजर प्रायव्हसोबत किती गांभीर्याने घेते हे दिसून येते.