विना इंटरनेट पण लोकेशन दाखवणार Google Maps, सोपी पद्धत जाणून घ्या
Google Maps | अनेकदा शहरापासून, गावापासून दूर डोंगरखोऱ्याकडे गेल्यावर, अथवा ग्रामीण भागात इंटरनेटची समस्या भेडसावते. अशावेळी नवख्या व्यक्तीला Google Maps वापरता येत नाही. पण विना इंटरनेट पण तुम्हाला गुगल मॅप रस्ता दाखवू शकतो, आश्चर्य वाटले ना? मग ही ट्रिक आणि टिप्स जरुर फॉलो करा.
नवी दिल्ली | 26 January 2024 : नवीन रस्त्यावरुन जाताना, नवीन शहराकडे, नवीन ठिकाणी जाताना आता गुगलचे नॅव्हिगेशन ऐप Google Maps चा जास्त उपयोग होतो. तसेही अनेक जण, आपलं तोंड का भांडलंय, असं म्हणतं विचारपूस करत निघातत. पण निर्मनुष्य रस्त्यावर जास्त कसरत होते. अशा वेळी गुगल मॅप उघडावे लागते. पण इंटरनेटने धोका दिला, तर ताप वाढतो. अशावेळी विना इंटरनेट सुद्धा तुम्हाला गुगल मॅप अचूक रस्ता शोधण्यासाठी मदत करते. हे सीक्रेट तुम्हाला माहिती नसेल तर या ट्रिक आणि टिप्सनेत तुम्ही अशा प्रकारे तुमचे इच्छित स्थळ गाठू शकता. काय आहे हा सोपा उपाय?
Offline Maps
तुम्ही गुगल मॅप लावून रस्त्यावरुन वाहन चालवत असाल आणि अचानक नेटवर्कची अडचण आली तर? मग काय तुम्हाला वाटेल या आडवळणी रस्त्यावर आता कोणाची वाट पाहत किती वेळ ताटकळायचं, नाही का. पण गुगल मॅपमध्ये एक सीक्रेट फीचर आहे. तुम्ही विना इंटरनेट सुद्धा हे फीचर उपयोगात आणू शकता. पण त्यासाठी हे काम इच्छितस्थळी निघणाऱ्यापूर्वी आठवणीने करावे लागणार आहे. तुम्हाला Google Maps मध्ये Offline Maps हे फीचर मिळते. हे फीचर विना इंटरनेट पण काम करते. हे फीचर कसे वापरात आणायचे हे पाहुयात..
Google Maps without Internet चा असा करा वापर
- सर्वात अगोदर मोबाईलमध्ये गुगल मॅप्स एप ओपन करा. एप उघडल्यावर उजव्या बाजूला वरती प्रोफाईल पिक्चरच्या आयकॉनवर क्लिक करा.
- या पिक्चरवर टॅप केल्यानंतर अनेक पर्याय समोर येतील. याठिकाणी तुम्हाला Offline Maps चा पर्याय दिसेल
- ऑफलाईन मॅप्सचा पर्याय क्लिक करा. स्क्रीनवर तुम्हाला Select Your Own Map हा पर्याय दिसेल
- या पर्यायावर तुम्हाला इच्छित स्थळ या बॉक्समध्ये आणावे लागेल. त्यामुळे एरियाचा मॅप डाऊनलोड होईल
- स्क्रीनवर तुम्हाला डाऊनलोडचा पर्याय मिळेल. पण त्यासाठी मोबाईलमध्ये फ्री स्पेस लागेल
- मॅप्स डाऊनलोड झाल्यानंतर नेटवर्क नसले तरी, विना इंटरनेट तुम्हाला या फीचरच्या मदतीने इच्छित स्थळ गाठता येईल
