मीशू, एमएक्स प्लेअर, ते फ्री फायरपर्यंत; जाणून घ्या भारतातील सर्वात प्रसिद्ध अॅप्स
मोबाईल वापरकर्त्यांने इन्स्टाग्राम (Instagram), यूट्यूब (Youtube), एमएक्स टकाटक, मीशू, फ्री फायर आणि लूडो किंग अशा अॅप्सचा वापर केला आहे. अॅप एनीने केलेल्या सर्व्हेमध्ये वापकरर्त्यांचा स्वभाव, वापरलेले अॅप्स तसेच सर्वात जास्त डाऊनलोड करण्यात आलेले अॅप याचा अभ्यास केला आहे.
मुंबई : भारतीय स्मार्टफोन यूजर्स वेगवेगळ्या अॅप्सचा वापर करतात. मात्र भारतीय लोक जास्त वेळ कोणत्या अॅपवर घालवतात हे शोधण्यासाठी अॅप एनी (App Annie) या संस्थेने सर्व्हे केला आहे. या संस्थेने दिलेल्या माहितीनुसार एका भारतीयाने 2021 मध्ये दिवसभारातील साधारणत: 4.7 तासाचा वेळ मोबाईलवर घालवलेला आहे. या काळात मोबाईल वापरकर्त्यांने इन्स्टाग्राम (Instagram), यूट्यूब (Youtube), एमएक्स टकाटक, मीशू, फ्री फायर आणि लूडो किंग अशा अॅप्सचा वापर केला आहे. अॅप एनीने केलेल्या सर्व्हेमध्ये वापकरर्त्यांचा स्वभाव, वापरलेले अॅप्स तसेच सर्वात जास्त डाऊनलोड करण्यात आलेले अॅप याचा अभ्यास केला आहे.
फ्री फायर गेमचा बोलबाला
गेमिंग अॅप्सबाबत बोलायचं झालं तर 2021 साली भारतात वापरकर्त्यांनी फ्री फायर या गेमवर जास्त वेळ घातलेला आहे. त्यानंतर कॉल ऑन ड्यूटी, कॉईन मास्टर, कँडी क्रश, War: Battle Game, अशा गेम्समध्येही लोकांनी जास्त वेळ घातलेला आहे. वापरकर्त्यांनी या गेम्सचे अॅप जास्त प्रमाणात डाऊनलोड केलेले आहे. या अॅप्सनंतर Genshin Impact, Evony आणि Match Masters अशा अॅप्सचा समावेश आहे.
FAU: G गेमलाही लोकांची पसंदी
ब्रिड रेज रेस नावाच्या मोबाईल गेमदेखील भारतात अनेकांनी डाऊनलोड केलेला आहे. या गेमला दुसऱ्या देशातही चांगलीच पसंदी मिळालेली आहे. भारतात FAU: G आणि Legend Squad 3D अशा गेम्सनादेखील मोठ्या प्रमाणात डाऊनलोड करण्यात आले आहे.
सोशल अॅप्समध्ये इन्स्टाग्राम पहिल्या नंबरवर
जगाचा विचार करायचा झाला तर टिकटॉक हे सोशल अॅपच्या रांगेत पाचव्या क्रमांकाचे सर्वात जास्त वापरण्यात आलेले अॅप आहे. मात्र भारतात टिकटॉक बंद असल्यामुळे फेसबुक या अॅपवर जास्त वेळ घालवला जातो.
फेसबुक, स्नॅपचॅट आणि मौज अॅप्स मोठ्या प्रमाणात डाऊनलोड
डाऊनलोडिंगच्या बाबतीत इन्स्टाग्राम या अॅपला सर्वात जास्त वेळा डाऊनलोड करण्यात आले आहे. त्यानंतर एमएक्स टकाटक, फेसबुक, स्नॅपचॅट आणि मौज या अॅप्सना लोकांनी डाऊनलोड केले आहे. डाऊनलोडिंगच्या बाबतीत व्हॉट्सअॅप आठव्या क्रमांकावर आहे.
कोरोना काळात ऑनलाईन स्ट्रिमिंग मोठ्या प्रमाणात वाढले. त्यामुळे या काळात स्ट्रिमिंग अॅप्सना चांगलीच पसंदी मिळाली. स्ट्रिमिंग अॅप्सच्या बाबतीत नेटफ्लिक्स या अॅपला 1 मिलियन पेक्षा जास्त लोकांनी डाऊनलोड केलेले आहे. त्यानंतर डिज्नी प्लस हॉटस्टार आणि अॅमेझॉन प्राईम व्हिडिओ यांचा क्रमांक येतो.
इतर बातम्या :
OnePlus 9RT India Launch: वनप्लस आज लॉन्च करणार दोन नवे मोबाईल; दमदार फोनचे फिचर्स, किंमत काय ?
10000mAh बॅटरीसह येणारे टॉप 4 स्मार्टफोन, सिंगल चार्जमध्ये ढासू बॅकअप
