Mukesh Ambani त्यांच्या युजर्सला देत आहेत ‘ही’ फ्री सर्विस, संधीचा घ्या फायदा

रिलायन्स जिओने कोट्यवधी वापरकर्त्यांना Jio AI Cloud Storage सेवा देण्यास सुरुवात केली आहे. वापरकर्त्यांना जिओ प्रीपेड आणि जिओ पोस्टपेड प्लॅनसह मोफत क्लाउड स्टोरेजचा लाभ मिळणार आहे. गेल्या वर्षी नोव्हेंबरमध्ये, कंपनीने निवडक वापरकर्त्यांना AI वैशिष्ट्यांसह 100 GB मोफत AI क्लाउड स्टोरेजचा लाभ देण्यास सुरुवात केली आणि आता ही सेवा सर्व प्रीपेड आणि पोस्टपेड वापरकर्त्यांसाठी सुरू करण्यात आली आहे.

येथे प्रश्न असा आहे की सर्वांना मोफत जिओ क्लाउड सेवेचा लाभ घेता येईल का? तर नाही, कंपनी हा फायदा फक्त त्या वापरकर्त्यांना देईल जे 299 रुपये किंवा त्याहून अधिक किमतीचे प्रीपेड प्लॅन खरेदी करतील. जिओ पोस्टपेड वापरकर्त्यांबद्दल बोलायचे झाले तर, जी लोकं 349 रुपये, 449 रुपये, 649 रुपये, 749 रुपये आणि 1549 रुपयांचे प्लॅन खरेदी करतील त्यांना कंपनीकडून क्लाउड सेवेचा लाभ देखील दिला जाईल.

Jio Ai Cloud Storage Limit

आता तुमच्या मनात हा प्रश्न नक्कीच उद्भवत असेल की प्रत्येक वापरकर्त्याला किती जीबी मर्यादा दिली जाईल? कंपनीच्या अधिकृत वेबसाइटनुसार, कंपनी प्रीपेड आणि पोस्टपेड वापरकर्त्यांना 50 जीबी मोफत क्लाउड स्टोरेज देत आहे.

Jio Cloud Storage काय आहे?

ही एक क्लाउड आधारित सेवा आहे ज्या अंतर्गत लाखो रिलायन्स जिओ युजर्स फोनमधील स्टोरेज वाचवण्यासाठी जिओच्या सर्व्हरवर फोटो, व्हिडिओ आणि कागदपत्रे डिजिटली संग्रहित केली जाऊ शकतात. या सेवेचा आणखी एक फायदा म्हणजे जरी योगायोगाने फोन हरवला तरी तुम्ही क्लाउड स्टोरेजवर अपलोड केलेल्या फाईल्‍स सहजपणे अॅक्सेस करू शकता.

क्लाउड स्टोरेजचे फायदे

काही कंपन्या क्लाउड स्टोरेजसाठी वापरकर्त्यांकडून शुल्क आकारतात, परंतु अजूनही काही कंपन्या अशा आहेत ज्या वापरकर्त्यांना हा फायदा मोफत देत आहेत. फायद्यांबद्दल बोलायचे झाले तर, क्लाउड स्टोरेजवर महत्त्वाचे फोटो, व्हिडिओ आणि कागदपत्रे अपलोड केल्यानंतर, तुम्ही फोनमधून या गोष्टी काढून टाकू शकता आणि फोन स्टोरेज भरण्यापासून वाचवू शकता. दुसरा फायदा असा आहे की तुमच्याकडे फोन नसला तरीही तुम्ही कोणत्याही डिव्हाइसवरून क्लाउड स्टोरेज अॅक्सेस करू शकता.