SIM Card | तुमच्या नावावर किती सिम कार्ड आहेत सुरु, 60 सेंकदात पडेल माहिती

नवी दिल्ली | 6 जानेवारी 2024 : स्मार्टफोन आणि इंटरनेट आता गरज झाली आहे. या तंत्रज्ञानाच्या युगात दिवसागणिक ऑनलाईन फ्रॉडच्या प्रकरणात वाढ होत आहे. सहज काही लिंक्स , एसएमएसवरुन सहज कोणाला पण गंडा घालण्यात येत आहे. कधी कधी अशा फसवणूक प्रकरणात कोणाच्या पण नावे सिम कार्ड तयार करण्यात येते, त्याआधारे इतर कोणाला गंडा घालण्यात येतो. त्यामुळे आपल्या नावाचे तर सिम कार्ड वापरुन इतर कोणाची फसवणूक करण्यात येत नाही ना? यासाठी आपण सतर्क राहणे आवश्यक आहे. तुमच्या नावे किती सिम कार्ड सुरु आहेत, याची माहिती तुम्हाला असणे आवश्यक आहे.

काही सेंकदात माहिती

पूर्वी कोणत्या व्यक्तीच्या नावे किती सिम कार्ड सुरु आहेत, याची माहिती हाती येणे अवघड होते. पण आता एका व्यक्तीच्या नावे किती सिम कार्ड सुरु आहेत, याची माहिती सहज मिळवता येते. आता केवळ 60 सेकंदात म्हणजे एका मिनिटात तुम्हाला माहिती होईल की तुमच्या नावावर किती सिम कार्ड सुरु आहेत. कोणी इतर तर तुमच्या सिमकार्डचा वापर करत नाही ना, याची माहिती सहज मिळवता येते.

संचार सारथीची मदत

जर एखादा सायबर गुन्हेगार दुसऱ्याच व्यक्तीचा वापर करुन फसवणूक करत असेल तर अशा प्रकरणात थांगपत्ता लावण्यासाठी केंद्र सरकारने संचार सारथी पोर्टलची सुरुवात केली आहे. त्याच्या मदतीने तुम्ही अवघ्या काही सेकंदात तुमच्या नावावर किती सिम कार्ड सुरु आहेत. त्याचा वापर होत आहे, याची माहिती मिळते. तुम्ही या पोर्टलच्या मदतीने तुमच्या नावावर सुरु असलेल्या पण तुम्ही वापरत नसलेले सिमकार्ड सुद्धा बंद करु शकता.

अशी आहे प्रक्रिया

• सर्वात अगोदर tafcop.sancharsaathi.gov.in या वेबसाईटवर जा
• नवीन पेज उघडा, त्याठिकाणी तुमचा मोबाईल क्रमांक टाका
• आता पेजवर कॅप्चा कोड नोंदवा
• तुमच्या क्रमांकावर ओटीपी पाठविण्यात येईल. तो भरा
• या पोर्टलवर तुमचे लॉगिन झाले असेल
• तुमच्या नावावर किती सिम कार्ड सुरु आहेत याची माहिती आली असेल
• यामध्ये तुमच्या नावावर वेगळाच मोबाईल क्रमांक दिसत असेल तर तो बंद करता येतो