फॉर्च्युनरचं बजेट नाही! अर्ध्या किंमतीत घ्या ‘ही’ 8 सीटर SUV

तुम्हाला फॉर्च्युनर घ्यायची का? बजेटचं चिंता सोडा, त्यासाठी उत्तम पर्याय आम्ही देऊ. तुम्ही फक्त टेन्शन घेऊन नका. कारण, भारतीय मार्केटमध्ये एक एमपीव्ही देखील आहे. ही लांबीने फॉर्च्युनरच्या बरोबरीने पण किंमत मात्र फॉर्च्युनरच्या आर्धी आहे. जाणून घ्या.

मारुती सुझुकी इनविक्टो असे या गाडीचे नाव असून या एमपीव्हीची किंमत काय आहे आणि दोन्ही वाहनांमध्ये काय फरक आहे? आम्ही तुम्हाला समजावून सांगण्याचा प्रयत्न करत आहोत.

7 आणि 8 सीटिंग ऑप्शन

मारुती सुझुकी इन्व्हिक्टोला तुम्ही 7 आणि 8 सीटिंग ऑप्शनमध्ये खरेदी करू शकता आणि ही कार तुम्हाला पाच वेगवेगळ्या रंगांमध्ये मिळणार आहे. दुसरीकडे, फॉर्च्युनर केवळ 7 आसन पर्यायांमध्ये उपलब्ध असेल.

सुरक्षा फीचर्स कोणते?

मारुती सुझुकी इनव्हिक्टोमध्ये कंपनीला 360 डिग्री कॅमेरा, 6 एअरबॅग्ज, टायर प्रेशर मॉनिटरिंग सिस्टिम, व्हेईकल स्टॅबिलिटी कंट्रोल, फ्रंट आणि रिअर पार्किंग सेन्सर्स आणि सुरक्षेसाठी चाईल्ड सीटसाठी आयसोफिक्स सपोर्ट मिळेल.

सुरक्षेसाठी फॉर्च्युनरमध्ये व्हेइकल स्टेबिलिटी कंट्रोल, 7 एअरबॅग, हिल असिस्ट कंट्रोल, ईबीडीसह एबीएस सेन्सर, इमर्जन्सी अनलॉकसह स्पीड ऑटो लॉक, इमर्जन्सी ब्रेक सिग्नल, अँटी थेफ्ट अलार्म, चाईल्ड सीटसाठी आयसोफिक्स सपोर्ट असे खास फीचर्स देण्यात आले आहेत.

इंजिन आणि मायलेज

इन्व्हिक्टोमध्ये 2 लीटर पेट्रोल इंजिन देण्यात आले आहे. हे मजबूत हायब्रिड सिस्टमसह येते. हे इंजिन 152 बीएचपी पॉवर आणि 188 एनएम टॉर्क जनरेट करते. कंपनीचा दावा आहे की, ही कार 23.24 किमी प्रति लीटर मायलेज देते.

तर फॉर्च्युनरच्या पेट्रोल मॉडेलमध्ये 2694 सीसीचे ड्युअल व्हीव्हीटी-आय इंजिन आहे जे 166 बीएचपी पॉवर आणि 245 एनएम टॉर्क जनरेट करते. ही कार 5 स्पीड मॅन्युअल आणि 6 स्पीड ऑटोमॅटिक ट्रान्समिशनसह उपलब्ध असेल. रिपोर्टनुसार, या कारच्या पेट्रोल व्हेरियंटला 10 किमी प्रति लीटर तर डिझेल व्हेरियंटला 14.27 किमी प्रति लीटर मायलेज मिळते. अर्थात, इंजिनच्या बाबतीत फॉर्च्युनर आघाडीवर आहे, पण इन्व्हिक्टो कोणाच्याही मागे नाही. या मारुती एमपीव्हीचे मायलेज फॉर्च्युनरपेक्षा जास्त आहे.

आकारातील फरक किती?

इन्व्हिक्टोची लांबी 4755 मिमी, रुंदी 1850 मिमी आणि उंची 1795 मिमी आहे. टोयोटा फॉर्च्युनरची लांबी 4795 मिमी, रुंदी 1855 मिमी आणि उंची 1835 मिमी आहे. इन्व्हिक्टोचा आकार फॉर्च्युनरपेक्षा मोठा आहे हे स्पष्ट होते.

टोयोटा फॉर्च्युनर विरुद्ध मारुती सुझुकी इन्विक्टो किंमत

मारुती सुझुकी इन्व्हिक्टोची किंमत 25 लाख 21 हजार (एक्स-शोरूम) ते 28 लाख 92 हजार रुपये (एक्स-शोरूम) आहे. तर फॉर्च्युनरची एक्स शोरूम किंमत 33.43 लाख ते 51.44 लाख रुपयांदरम्यान आहे.

या दोन वाहनांव्यतिरिक्त महिंद्रा स्कॉर्पिओ एन एसयूव्ही 7 आणि 8 आसन पर्यायांमध्ये खरेदी केली जाऊ शकते, ही कार ऑफ रोडिंगसाठी देखील चांगली आहे. एवढंच नाही तर टाटा मोटर्सची टाटा सफारी एसयूव्ही देखील 7 आसन पर्यायांमध्ये उपलब्ध असेल, ही कार ऑफ-रोडिंग क्षमतेसाठी ओळखली जाते.