नोकरी व्यतिरीक्त एक्ट्रा इनकम कमवायचे आहे? या वेबसाईट्स आहेत कामाच्या
तुमच्या पगाराव्यतिरिक्त पैसे कमवायचे असतील तर ही माहिती तुमच्यासाठी खास आहे. तुम्हाला दररोज अनेक प्रकारच्या मेल्स येत असतील. तुम्ही त्यांच्याकडे दुर्लक्षही करत असाल. पण तुम्ही कधी विचार केला आहे का की, ई-मेल वाचूनही चांगले पैसे कमवणे शक्य आहे.
मुंबई : आजकाल जवळपास सर्वच जण नोकरी करतात, लोक पैसेही कमावतात, पण खर्च इतका वाढला आहे की महिन्याचा पगार कमी पडतो. पगार कमी असेल तर घर चालवणे अवघड होऊन बसते. जर तुम्हालाही असाच त्रास होत असेल आणि तुम्हाला तुमच्या पगाराव्यतिरिक्त पैसे कमवायचे असतील तर ही माहिती तुमच्यासाठी खास आहे. तुम्हाला दररोज अनेक प्रकारच्या मेल्स येत असतील. तुम्ही त्यांच्याकडे दुर्लक्षही करत असाल. पण तुम्ही कधी विचार केला आहे का की, ई-मेल वाचूनही चांगले पैसे कमवणे शक्य आहे. होय, जगभरात अशा अनेक वेबसाइट्स (Earn money Online) आहेत जिथे सर्वेक्षण करण्यासाठी तुम्हाला पैसे दिले जातात. तुमचा फोन वापरून तुम्ही घरी बसून किंवा कुठूनही दर महिन्याला मोठी कमाई करू शकता. अशा कोणत्या वेबसाईट्स आहेत ते जाणून घेऊया.
पैसा लाईव्ह डॉट कॉम
ही वेबसाइट तुम्हाला एकही पैसा न गुंतवता हजारो रुपये कमवण्याची संधी देते. त्यात खाते तयार करताच तुम्हाला 99 रुपये मिळतील. त्याच वेळी, जर तुम्ही तुमच्या मित्रांसाठी खाते तयार केले तर तुम्हाला लगेच 20 रुपये मिळतील. तुम्हाला प्रत्येक मेल वाचण्यासाठी 25 पैसे ते 5 रुपये मिळतात. वेबसाइट 15 दिवसांतून एकदा चेकद्वारे पेमेंट देते.
मॅट्रीक्स मेल डॉट कॉम
ही वेबसाइट 2002 पासून कार्यरत आहे. येथे तुम्ही ईमेल वाचूनही पैसे कमवू शकता. याशिवाय, तुम्ही ऑफरद्वारे आणि साइटला भेट देऊन देखील पैसे कमवू शकता. या वेबसाईटद्वारे हे सर्व काम करून तुम्ही 25 ते 50 डॉलर्स कमवू शकता. या वेबसाइटद्वारे तुम्ही एका तासात सुमारे 3,000 रुपये कमवू शकता.
कॅश फॉर ऑफर्स डॉट कॉम
या वेबसाइटवर तुम्ही गोल्ड मेंबर बनल्यास तुम्हाला अनेक फायदे मिळतात. त्याच्या फायद्यांतर्गत, तुम्ही कमावलेले पैसे तुम्हाला 72 तासांपेक्षा कमी वेळेत दिले जातात. येथून तुम्ही सर्वेक्षणांमध्ये भाग घेऊन आणि तुमच्या मित्रांसाठी खाती तयार करून पैसे कमवू शकता. तुम्ही येथे साइन इन करताच तुम्हाला 350 ते 400 रुपये मिळू शकतात.
सेंडर अर्निंग डॉट कॉम
तुम्ही येथून ईमेल वाचून पैसे कमवू शकता. याशिवाय, तुम्ही सर्वेक्षण आणि ऑनलाइन शॉपिंगद्वारे पैसे कमवू शकता. येथे तुम्हाला खाते तयार करावे लागेल. येथे ईमेल वाचल्यावर तुम्हाला 1 डॉलर म्हणजेच सुमारे 70 रुपये मिळतील. लक्षात ठेवण्यासारखी गोष्ट म्हणजे तुम्ही या वेबसाइटला 6 महिने भेट दिली नाही तर तुमचे खाते निष्क्रिय केले जाईल. येथून तुम्हाला पेमेंट मिळवण्यासाठी किमान 2,100 रुपये कमवावे लागतील.
(वरील माहिती उपलब्ध स्रोतावरून देण्यात आलेली आहे.याच्या तथ्यांबद्दल आम्ही कुठलाही दावा करीत नाही)
