India Tour Of Australia 2024-25

टीम इंडिया नोव्हेंबर महिन्यात ऑस्ट्रेलिया दौऱ्यात बॉर्डर गावस्कर ट्रॉफी कसोटी मालिका खेळणार आहे. उभयसंघात या स्पर्धेच्या इतिहासात पहिल्यांदाच 5 सामन्यांची मालिका खेळवण्यात येणार आहे. रोहित शर्मा या दौऱ्यात भारतीय संघाचं नेतृत्व करणार आहे. तर जसप्रीत बुमराह याच्याकडे उपकर्णधारपदाची जबाबदारी आहे. मालिकेतील पहिला सामना हा 22 ते 26 नोव्हेंबर दरम्यान पर्थ येथे खेळवण्यात येणार आहे. तर पाचवा आणि शेवटचा सामना हा 3 ते 7 जानेवारी 2025 दरम्यान पार पडणार आहे. टीम इंडियासाठी वर्ल्ड टेस्ट चॅम्पियनशीप 2023-2025 फायनलच्या दृष्टीकोनातून ही मालिका अत्यंत महत्त्वाची आणि निर्णायक आहे.