मराठी भाषा दिवस

दरवर्षी 27 फेब्रुवारी रोजी राज्यात मराठी भाषा गौरव दिन साजरा केला जातो. ज्येष्ठ कवी विष्णू वामन शिरवाडकर उर्फ कुसुमाग्रज यांच्या जयंतीचं औचित्य साधून हा दिन साजरा केला जातो. कुसुमाग्रजांनी राज्याच्या सांस्कृतिक क्षेत्रात मोलाचं योगदान दिलं आहे. मराठी भाषा ही ज्ञान भाषा होण्यासाठी त्यांनी अथक परिश्रम घेतले आहेत. त्यामुळे मातृभाषेचा गौरव व्हावा म्हणून आणि कुसुमाग्रज यांना अभिवादन म्हणून त्यांच्या जयंतीच्या दिवशी मातृभाषा गौरव दिन साजरा केला जातो.