नितीश कुमार

नितीश कुमार हे बिहारचे विद्यमान मुख्यमंत्री आहेत. जनता दल (संयुक्त) या राजकीय पक्षाचे पक्षाध्यक्ष असलेले नितीशकुमार भारतामधील अनुभवी नेत्यांपैकी एक आहेत. जनता दलामधून त्यांनी आपल्या राजकीय कारकिर्दीची सुरुवात केली. त्यांनी विश्वनाथ प्रताप सिंग यांच्या केंद्रीय मंत्रीमंडळामध्ये कृषी राज्यमंत्र्यांची भूमिका निभावली. त्यांनी 1994 मध्ये जॉर्ज फर्नांडिस यांच्या सोबत समता पक्षाची स्थापना केली. तेव्हापासून त्यांनी केंद्र सरकारमध्ये रेल्वे मंत्री, कृषी मंत्री, वाहतूक मंत्री इत्यादी अनेक महत्त्वाची पदे सांभाळली आहेत. 2005 पासून ते बिहारच्या मुख्यमंत्रीपदी आहेत.