Stunt Video Viral : …आणि स्टंट करण्याच्या नादात थेट जमिनीवरच कोसळतो..! भावांनो, तुम्ही असं काही करू नका, नाहीतर…

फसलेल्या स्टंट(Stunt)चे अनेक व्हिडिओ तुम्ही याआधीही पाहिले असतील. त्यात व्हेरिएशन दिसून येईल. आता व्हायरल (Viral) होत असलेला हा व्हिडिओ (Video)पाहा. एका मुलाला भिंतीवर चढून परत फ्लिप (Flip) करणं कठीण जातं. व्हिडिओमध्ये तुम्ही पाहू शकता, की मुलगा जमिनीवर डोकं सरळ ठेवून आपटतो.

तरुणाचा धोकादायक स्टंट

Pradeep Garad | Updated on: Feb 04, 2022 | 12:24 PM

Stunt Video : चित्रपटांमध्ये नायकाला एकापेक्षा एक धोकादायक स्टंट करताना तुम्ही अनेकदा पाहिलं असेल. पण की हे सर्व स्टंट प्रशिक्षकाच्या देखरेखीखाली आणि सुरक्षेचे उपाय लक्षात घेऊन केले जातात. मात्र सोशल मीडियात लोकप्रिय होण्यासाठी काही लोक आपला जीव धोक्यात घालण्यास मागंपुढं पाहत नाहीत. फसलेल्या स्टंट(Stunt)चे व्हिडिओ तुम्ही याआधीही पाहिले असतील. त्यात व्हेरिएशन दिसून येईल. आता व्हायरल (Viral) होत असलेला हा व्हिडिओ (Video)पाहा. एका मुलाला भिंतीवर चढून परत फ्लिप (Flip) करणं कठीण जातं. व्हिडिओमध्ये तुम्ही पाहू शकता, की मुलगा जमिनीवर डोकं सरळ ठेवून आपटतो आणि नंतर उठू शकत नाही. हा व्हिडिओ धक्कादायक आहेच पण आपटलेल्या मुलाच्या बाबतीत लोक रागही व्यक्त करत आहेत. प्रशिक्षकाच्या देखरेखीतच स्टंट करायचे असतात, याची आठवण देणारा हा व्हिडिओ लोक पसंत करत आहेत.

जीवघेणे स्टंट

काही सेकंदांचाच हा व्हिडिओ आहे. या व्हिडिओमध्ये तुम्ही पाहू शकता, की एक मुलगा लोखंडी बोर्डच्या मदतीनं फ्लिप मारण्याचा प्रयत्न करतो. पण पुढच्या क्षणी आपलं काहीतरी वाईट होणार आहे, याची त्या मुलाला कल्पना नसते. तो मुलगा बोर्डवर चढतो आणि पाठीमागच्या फ्लिपवर आदळताच जमिनीवर कोसळतो. हा व्हिडिओ पाहिल्यानंतर सोशल मीडिया यूझर्स अचंबित आहेत. या मुलाचा मृत्यू तर झाला नाही ना, असा सवालही काही लोकांनी अॅडमिनला केला आहे. त्याच वेळी, काहीजण म्हणतात, की मानेचं हाड तुटलं असावं, असंही अनेकजण म्हणत आहेत.

इन्स्टाग्रामवर शेअर

हा स्टंट व्हिडिओ इन्स्टाग्रामवर parkour_extreme_youtube नावाच्या अकाऊंटवरून शेअर करण्यात आला आहे. या व्हिडिओला 11 लाखांहून अधिक लोकांनी लाइक केलं आहे. हा आकडा संख्या सातत्यानं वाढत आहे. व्हिडिओ पाहिल्यानंतर, बहुतेक यूझर्स मुलाची मान तुटल्याबद्दल बोलत आहेत. काहींनी तर या मुलाच्या प्रकृतीबाबत अॅडमिनला प्रश्नही केला आहे.

‘जीव जाईल असं काही करू नका’

एका यूझरनं कमेंट करताना लिहिलं, की मी खात्रीनं सांगू शकतो, की मुलाची मान तुटली असावी. त्याचवेळी आणखी एका यूझरनं कमेंट केली आहे, की भावांनो, तुमचा जीव जाईल असं काही करू नका. मला या मुलाची काळजी वाटते. दुसरा यूझर म्हणतो, की त्याची मान शंभर टक्के तुटली आहे. मात्र, लोकांच्या चिंताजनक कमेंट्स पाहून अॅडमिननंही मुलगा मजबूत असून तो बरा असल्याचं उत्तर दिलं आहे.