Video | एका बाईकवर 7 माणसं, 2 कुत्री आणि 2 कोंबडी कशी बसली, व्हिडीओ पाहून तुम्ही व्हाल हैराण
सोशल मिडीयावर अनेक चित्रविचित्र व्हिडीओ व्हायरल होताना दिसत असतात. या व्हिडीओत एकाच मोटारसायकल पूर्ण कुटुंबकबिला घेऊन जाताना एक अवलीया दिसत आहे.
नवी दिल्ली | 12 ऑक्टोबर 2023 : आपला भारत देश म्हणजे निरनिराळ्या जुगाडांचा देश आहे. येथे रोजचे जगणं सुसह्य करण्यासाठी लोक आपल्या पद्धतीने जुगाड करीत जीवनाचा खरा आनंद लुटत असतात. सोशल मिडीयावर असे भन्नाट व्हिडीओ पाहून आपण आश्चर्यचकीत होत असतो. असाच एक भन्नाट व्हिडीओ सोशल मिडीयावर व्हायरल होत आहे. तो व्हिडीओ पाहून तुम्हीही विचारात पडला, की हे झालं कसं ! या व्हिडीओत एक व्यक्ती आपलं संपूर्ण बिऱ्हाडच घेऊन आरामात प्रवास करताना दिसत आहे. तुम्ही गाडीवरील व्यक्ती मोजून दमाल आणि तुमच्या गालावर आपसूकच हसू येईल !
सोशल मिडीयावर व्हायरल झालेल्या व्हिडीओप्रमाणे अनेक व्हिडीओ तुम्ही पाहीले असतील. सर्वसाधारणपणे एका मोटारसायकलवर दोन जणांना बसायला परवानगी असते. परंतू बरेचदा बाईकवर तीन व्यक्ती बसून प्रवास करताना आपल्याला दिसतात. यास वाहतूक नियम आड येत असले तरी ग्रामीण भागात एवढं कोणी लक्ष देत नाही. परंतू या व्हिडीओत दिसणाऱ्या मोटारसायकलीवर दोन-तीन नव्हे तर चक्क 11 जण प्रवास करताना दिसत आहेत. त्यात सात मानव आहेत तर दोन कुत्री आणि दोन कोंबडी यांचा समावेश आहे. या सोबत घरातील सर्व सामानसुमानही बाईकवर ठेवण्यात आले आहे.
येथे पाहा व्हिडीओ –
या मोटारसायकलवर संपूर्ण कुटुंबकबिला सामावल्याचे दिसत आहे. असं वाटतंय की बाईक नव्हे मालवाहू वाहनच आहे. कुटुंब प्रमुख बाईक चालवित असल्याचे दिसत असून पाठी त्याची पत्नी आणि पाच मुले आई-वडीलांना बिलगुन बसलेली दिसत आहेत. या शिवाय एका मुलाच्या हातात दोन कोंबड्या आहेत. पुढे एक आणि साईडला एक अशी दोन कुत्री देखील बसलेली दिसत आहेत. या बाईकला घरातील सामान डब्बे, बादल्या, बोचकी लावलेली दिसत आहेत.