काय तर म्हणे दोन दिवसांत 6 पॅक ॲब्सचा मिळवा!
या माणसाने हा पराक्रम करण्यासाठी काय तयारी केली हे जाणून घेण्याची प्रत्येकाची इच्छा आहे आणि हो, हे सिक्स ॲब्स पॅक कायमचे आहेत.
सिक्स पॅक ॲब्स हवे आहेत. पण जर तुम्ही मेहनत करायला टाळाटाळ करत असाल तर सोशल मीडियावर व्हायरल झालेला या व्यक्तीचा व्हिडिओ तुमच्यासाठी आहे. या व्यक्तीने 2 दिवसात सिक्स पॅक ॲब्स बनवून इंटरनेटला आश्चर्यचकित केले आहे! पण सगळ्यांना माहित आहे की दोन दिवसात हे होऊ शकत नाही. त्यामुळे या माणसाने हा पराक्रम करण्यासाठी काय तयारी केली हे जाणून घेण्याची प्रत्येकाची इच्छा आहे आणि हो, हे सिक्स ॲब्स पॅक कायमचे आहेत.
हा व्हिडिओ इन्स्टाग्राम युजर डीन गुंथर ने शेअर केला आहे. तो एक टॅटू कलाकार आहे, ज्याने बनवलेले टॅटू अगदी खरे दिसतात. म्हणजे त्यांच्या टॅटू कलेला ‘कलर रिॲलिझम टॅटूज’ म्हणतात. व्हायरल क्लिपमध्ये एक व्यक्ती 6 पॅक ॲब्सच्या शोधात जिममध्ये वर्कआउट करताना दिसत आहे.
पण तो आपल्या मेहनतीवर समाधानी दिसत नाही. यानंतर तो टॅटू आर्टिस्ट डीनपर्यंत पोहोचतो, जो काही तासात 6 पॅक ॲब्स मिळवण्याचे स्वप्न पूर्ण करतो.
टॅटू आर्टिस्ट त्या व्यक्तीच्या पोटावर 6 पॅक ॲब्सचा खरा टॅटू बनवतो, जो तयार करण्यासाठी त्याला 2 दिवस लागतात. म्हणूनच या डीन गुंथरने व्हिडिओ शेअर करत लिहिलं- बरं कोणाला जिम ची गरज आहे! 2 दिवसात सिक्स पॅक ॲब्स मिळवा.
दोन दिवसांत 6 पॅक ॲब्स बनवण्याची ही ट्रिक आता इंटरनेटवर व्हायरल झाली आहे. ही क्लिप पाहून लोक आश्चर्यचकित झाले आहेत. काहींना ही गंमत वाटली, तर अनेकांनी भाई एक आश्चर्यकारक टॅटू आर्टिस्ट असल्याचे सांगितले.
