Iphone 15 साठी ग्राहक दुकानदार यांच्यात तुफान राडा, मारहाणीचा व्हिडीओ सोशल मीडियावर व्हायरल
Iphone 15 Sellers And Customers Fight : Iphone 15 खरेदीवरुन दोन तरुणात राडा झाल्याचा एक व्हिडीओ सोशल मीडियावर व्हायरल झाला आहे. शेवटी दोघांमध्ये सुरु असलेल्या हाणामारी पोलिसांनी सोडवली आहे.
नवी दिल्ली : (Iphone 15) आयफोन मोबाईलची विक्री सुरु झाल्यापासून खरेदीसाठी ग्राहकांची गर्दी वाढली आहे. आता त्याच्या खरेदीसाठी लाथा-बुक्क्यांची मारहाण (Iphone 15 Sellers And Customers Fight) झाली आहे. विशेष म्हणजे ही मारहाण भारतात झाली आहे. दिल्लीच्या (Delhi) कमला नगर मार्केटमध्ये हा वाद झाला आहे. दुकानदाराकडून ग्राहकाला मोबाईल देण्यास उशिर केल्यामुळे हा वाद झाला आहे. हा वाद बोलण्यातून इतका वाढत गेला की, मोबाईलच्या दुकानात हाणामारी सुरु झाली. त्यावेळी तिथं असलेल्या लोकांनी हा प्रकार आपल्या मोबाईलमध्ये कैद केला आहे.
व्हिडीओमध्ये पाहायला मिळत आहे की, ग्राहक आणि दुकानाचा चालक या दोघांमध्ये हाणामारी सुरु आहे. या दोघांचं भांडणं पाहून तिथं लोकं जमा झाली आहे. त्याचबरोबर त्यातली काही लोकं हे भांडण सोडवण्यासाठी दुकानात घुसली आहेत.या भांडणाचा एक व्हिडीओ सोशल मीडियावर चांगलाचं व्हायरल झाला आहे. हा व्हिडीओ पाहिल्यापासून लोकं विविध प्रकारच्या कमेंट देत आहेत. दिल्ली पोलिसांनी दोघांच्या विरोधात कायदेशीर कारवाई करायला सुरुवात केली आहे. आयफोन विक्रीला उशिर झाल्यामुळे दोघांच्यात तुफान राडा झाला आहे.
#WATCH | Delhi Police took legal action against the customers after a scuffle broke out between customers and mobile shop employees after an alleged delay in supplying iPhone 15 to him in the Kamla Nagar area of Delhi
(Viral Video Confirmed by Police) pic.twitter.com/as6BETE3AL
— ANI (@ANI) September 23, 2023
लोकं सांगत आहे की, आयफोनच्या विक्रीला उशिर झाल्यामुळे ग्राहकाने दुकानातील कर्मचाऱ्यांना चांगलीचं मारहाण केली आहे. ज्यावेळी ग्राहकाने मारहाण केली, त्यानंतर कर्मचाऱ्याने सुध्दा मारहाण केली. सोशल मीडियाच्या विविध प्लॅटफॉर्मवरती हा व्हिडीओ शेअर केला आहे. हा व्हिडीओ एक्स वरती शेअर करीत असताना लिहीलं आहे की, दिल्लीतील कमला नगर परिसरातील iPhone 15 दुकानात ही मारामारी झाली आहे. दोघांच्यावरती पोलिसांनी कारवाई केली आहे.
