Ratan Tata यांचा ‘तो’ कुत्रा, मिटिंगमध्येही असतो सोबत, मनोरंजक कथा Viral; वाचा सविस्तर
Interesting story of Ratan Tata's dog : प्रसिद्ध उद्योगपती रतन टाटा (Ratan Tata) हे जसे धनानं मोठे तसंच मनानंही मोठे असल्याचं आपण जाणतो. आता करिश्मा मेहता (Karishma Mehta) या महिलेनं रतन टाटांवर स्तुतीसुमनं उधळली आहेत. Linkedinवर त्यांनी पोस्ट केली आहे.
Interesting story of Ratan Tata’s dog : प्रसिद्ध उद्योगपती रतन टाटा (Ratan Tata) हे जसे धनानं मोठे तसंच मनानंही मोठे असल्याचं आपण जाणतो. त्यासंबंधीच्या कथाही आपण अधूनमधून सोशल मीडियावर पाहत, ऐकत असतो. अशीच एक बाब समोर आलीय. करिश्मा मेहता (Karishma Mehta) या महिलेनं रतन टाटांवर स्तुतीसुमनं उधळली आहेत. त्यांना म्हटलंय, की एकदा त्या टाटांची मुलाखत (Interview) घेण्यासाठी गेल्या होत्या. त्यादरम्यान खुर्चीच्या बाजूला एक कुत्रा त्यांच्या नजरेस पडला. ही एक वैशिष्ट्यपूर्ण आणि संस्मरणीय मुलाखत ठरल्याचं मेहता यांनी म्हटलंय. करिश्मा मेहता या ह्यूमन्स ऑफ बॉम्बेच्या फाऊंडर आणि सीईओ आहेत. लिंक्डइन(Linkedin)वर त्यांनी ही मुलाखतीची कहाणी शेअर केलीय. टाटांटी मुलाखत घेण्यासाठी मी आतूर होते. खूप दिवसांपासून त्यांच्या मुलाखतीची वाट पाहत होते, असं त्यांनी म्हटलंय. यावेळी मला थोडी भीतीही वाटत होती, अशा भावनाही व्यक्त केल्या.
‘टाटांनी कुत्र्याला समजावलं’
त्यांनी आपल्या पोस्टमध्ये म्हटलं, की मुलाखतीदरम्यान मी रतन टाटा यांचे सहायक शांतनू यांना म्हटलं, की मला खूप भीती वाटतेय. बहुतेक माझं म्हणणं रतन टाटांनी ऐकलं असावं. त्यांनी मला विचारलं, की काय झालं? आपण ठीक आहात ना? मग आपल्याला कुत्र्याची भीती वाटत असल्याची माहिती शांतनू यांनी टाटांना दिली. यावर टाटांनी आपली खुर्ची कुत्र्याकडे वळवली आणि म्हटलं, की गोवा (कुत्र्याचं नाव) ही तुला घाबरत आहे. तेव्हा एका चांगल्या मुलासारखं व्यवस्थित बसून राहा.
‘असं माझ्यासोबत कधीही झालं नाही’
यानंतर रतन टाटांनी मुलाखत पुढे सुरू ठेवण्यास सांगितलं. ही मुलाखत जवळपास 30 ते 40 मिनिटं चालली. यादरम्यान तो कुत्रा जवळपासही फिरकला नाही. मला आश्चर्य वाटलं, कारण असं माझ्यासोबत कधीही झालं नाही. करिश्मा म्हणाल्या, की रतन टाटा यांनी गोवा म्हणजेच त्या कुत्र्याला मांडीवर बसवलं होतं. तो दिवसभर त्यांच्यासोबतच असतो. एवढंच नाही, तर हा कुत्रा टाटांसोबत मिटिंगमध्येही जातो. हा आगळावेगळ किस्सा सध्या मोठ्या प्रमाणात व्हायरल होतोय.
Ratan Tata यांचा ‘तो’ कुत्रा, मिटिंगमध्येही असतो सोबत, मनोरंजक कथा Viral, वाचा सविस्तर,
करिश्मा मेहतांनी शेअर केलेली पोस्ट – https://t.co/rbkFlgnfVy #ratantata #founders #leaders #humble #alphamale #inspiration #viral #socialmedia #Trending— TV9 Marathi (@TV9Marathi) February 10, 2022
आणखी वाचा :