Video : खान सरांनी केला रेकॉर्ड, तब्बल इतक्या बहिणींनी बांधली राखी, आकडा पहाल तर चक्कर येईल
आपल्या शिकविण्याच्या अनोख्या शैलीसाठी प्रसिद्ध असलेले खान सर यांचा हात अक्षरश: राख्यांनी भरला आहे. खान सरांनी आपल्या हजारो बहिणींचे आभार मानले आहेत.
नवी दिल्ली | 30 ऑगस्ट 2023 : देशभरात रक्षाबंधनाचा सण हर्षोउल्हासात साजरा केला जात आहे. भावा बहिणीच्या अतुट नात्याचा हा पवित्र सण दरवर्षी नारळी पोर्णिमेला साजरा केला जातो. या सणाला बहिण भावाला राखी बांधत आपल्या संरक्षणाची हमी घेते असते. देशभरातील अनेक नेत्यांनी रक्षाबंधनाच्या नागरिकांना शुभेच्छा दिल्या आहेत. आता स्पर्धा परिक्षांचे क्लासेस चालविणारे आणि तरुणांमध्ये प्रसिद्ध असलेले खान सर यांना त्यांच्या क्लासच्या विद्यार्थीनींनी इतक्या राख्या बांधल्या आहेत की एक अनोखा विक्रमच झाला आहे.
खान सरांनी यासंदर्भात त्यांच्या युट्युब चॅनलवर याची माहीती दिली आहे. आपल्या शिकविण्याच्या अनोख्या शैलीसाठी प्रसिद्ध असलेले खान सर यांचा हात अक्षरश: राख्यांनी भरला आहे. खान सरांनी आपल्या हजारो बहिणींचे आभार मानले आहेत. व्हिडीओमध्ये खान सर बहिणींना शिक्षणाचे महत्व सांगताना दिसत आहेत. मुलींनी शिक्षण घेतले तरच संपूर्ण कुटुंबाचा, समाजाचा पर्यायाने देशाच फायदा होतो असे खान सर सांगत आहेत.
खान सरांचा हाच तो व्हिडीओ पाहा –
सोहळा अडीच तास सुरु होता
या व्हिडीओत खान सरांना सात हजार मुलींनी राखी बांधली आहे. खान सरांनी त्यांचे आभार मानले आहेत. हा सोहळा अडीच तास सुरु होता. खान सरांना बहिण नसल्याने त्यांना त्यांच्या विद्यार्थींनीनी राखी बांधली. यावेळी इतकी गर्दी उसळली की गर्दीला आवरताना उपस्थितांना नाकीनऊ आले. खान सर हे युपीएससी आणि इतर सरकारी नोकरी संदर्भातील स्पर्धा परीक्षांचे क्लासेस चालवित असून त्यांच्या क्लासला खूपच पसंत केले जात असते. खान सरांना कपिल शर्मा कॉमेडी शोमध्ये देखील आमंत्रित करण्यात आले होते.