Viral Video | खाकी वर्दीतील LOVE STORY पाहीलीय का ? प्री-वेडींग शुट झाले व्हायरल

नवी दिल्ली | 18 सप्टेंबर 2023 : पोलीस दलातील माणसांच्या खाकी वर्दीतही सर्वसामान्य माणसेच दडलेली असतात. त्यांच्या कठोर मनातही प्रेमाचा झरा वाहतच असतो. प्रत्येकाची एक प्रेमकहाणी असते. काही प्रेमकहाण्या वाचायला लोकांना खूपच आवडते. त्यामुळे पडद्यावरही प्रेमकहाणी असलेले चित्रपट आवडीने पाहिले जातात. अशीच एक प्रेमकहाणी सध्या सोशल मिडीयावर व्हायरल होत आहे. ही प्रेम कहाणी हैदराबादच्या दोन पोलिस अधिकाऱ्यांची आहे. हा एक प्री-वेडींग व्हिडीओ असून त्यावर अनेक युजर्स प्रतिक्रीया आल्या आहेत.

प्री-वेडींग व्हिडीओत सुरुवातीला पोलिस अधिकाऱ्याची डॅशिंगमध्ये एण्ट्री होताना दाखविली आहे. व्हिडीओग्राफरने एकदम अनोख्या शैलीत हे फोटोशूट केले आहे. स्लो मोशन शॉटने व्हिडीओला रोचक बनविले आहे. काही क्षण असेही असतील कि आपल्याला हा चित्रपट आहे की काय असे वाटू शकेल. त्यांचे रोमॅटीक नृत्य पाहून आपल्याला हसु देखील येईल. व्हिडीओची सुरुवात पुंजागुटा पोलिस स्टेशनात पोलिस कपल आपआपल्या पोलिस वाहनातून उतरत असताना दिसतात. आपल्याला आपण साऊथचा सिनेमा पाहतोय की काय ? असा आपल्याला भास होईल. हे पोलीस कपल व्हिडीओत हैदराबाद येथील आयकॉनिक चार मिनार आदी स्थळांवर फिरताना आपल्याला पहायला मिळत असल्याने हा व्हिडीओ खूपच सुंदर झाला आहे.

येथे पाहा व्हिडीओ –

#Watch | Pre-wedding shoot of two #Hyderabad cops goes viral. pic.twitter.com/Lk0tiKiLnQ

— Deccan Chronicle (@DeccanChronicle) September 16, 2023

पोलिस कपलच्या या प्री -वेडींग व्हिडीओवर विविध स्वरुपाच्या प्रतिक्रीया आल्या आहेत. काही व्यक्तींनी पोलिस अधिकाऱ्यांची वैयक्तिक आणि मानवी बाजू पाहून त्यांचे कौतूक केले आहे. तर काहींनी लग्नासारख्या खाजगी बाबीसाठी पोलिस वाहने आणि पोलिस ठाण्याच्या वापरावर आक्षेप घेतला आहे. एका युजरने हैदराबादचे पोलिस आयुक्त सी.व्ही. आनंद यांना टॅग करीत प्री-वेडींग शुटसाठी पोलिस ठाण्याचा वापर करणे योग्य आहे का ? असा सवाल केला आहे. अनेक युजर्स त्यांना भावी वैवाहिक आयुष्यासाठी शुभेच्छा दिल्या आहेत. एकाने म्हटलेय की,’ मी अनेकदा चित्रपटात पोलिस जोडप्याला पाहीले आहे. परंतू हे पहिल्यांदाच पाहीले आहे.’