Video | दोन मधमाश्यांची चक्रावून सोडणारी कामगिरी, शीतपेय पिण्यासाठीची धडपड एकदा पाहाच
शार मधमाश्यांनी चक्क Fanta या शीतपेयाचे झाकण उघडले आहे. त्यांच्या या करामतीचा व्हिडीओ पाहून अनेकजण चक्रावले आहेत.
मुंबई : सोशल मीडियावर रोज हजारो व्हिडीओ अपलोड केले जातात. यापैकी काही व्हिडीओ हे चांगलेच व्हायरल होतात. पक्षी तसेच प्राण्यांच्या विविध करामतींचे व्हिडीओ आजकाल जास्त आवडीने पाहिले जात आहेत. सध्या असाच दोन मधमाश्यांचा व्हिडीओ सोशल मीडियावर व्हायरल होत आहे. या हुशार मधमाश्यांनी चक्क Fanta या शीतपेयाचे झाकण उघडले आहे. त्यांच्या या करामतीचा व्हिडीओ पाहून अनेकजण चक्रावले आहेत. (Two honey bees opening Fanta cold drink bottle funny video goes viral on social media)
मधमाश्यांची कमाल, व्हिडीओला नेटकऱ्यांकडून पसंती
सध्या उन्हाळा सुरु असल्यामुळे शीतपेय पिण्याकडे अनेकांचा कल आहे. काही शीतपेय हे अतिशय गोड असतात. याच कारणामुळे Fanta या शीतपेयाची चव चाखण्यासाठी व्हिडीओतील मधमाश्यांची धडपड चालू आहे. या व्हिडीओमध्ये तसे स्पष्टपणे दिसत आहे. या व्हिडीओमध्ये Fanta या शीतपेयावर झाकण आहे. मात्र, व्हिडीओतील दोन मधमाश्या अतिशय चलाखीने Fanta चे झाकण उघडत आहेत. दोन्ही मधमाश्या झाकण वर फिरवताना दिसतायत. या दोन्ही मधमाश्यांचे संतुलित आणि यशस्वी प्रयत्न पाहून अनेकांनी आश्चर्य व्यक्त केलं आहे. तसेच मधमाश्यांच्या या चातुर्याची नेटकरी वाहवा करत आहेत.
व्हिडीओ सोशल मीडियावर व्हायरल
मधमाश्यांनी Fanta या शीतपेयाचे झाकण यशस्वीपणे उघडल्यामुळे या व्हिडीओला नेटकऱ्यांकडून आवडीने पाहिले जात आहे. हा व्हिडीओ Buitengebieden या ट्विटर अकाऊंटवर शेअर करण्यात आलाय. शीतपेयांचे झाकण उघडणे हे अनेकांना दिव्य असल्यासारखे वाटते. मात्र, मधमाश्यांनी हा पराक्रम अगदी सहजपणे करुन दाखवल्यामुळे या व्हिडीओची सगळीकडे चर्चा होतेय.
पाहा व्हिडीओ :
नेटकऱ्यांच्या भन्नाट कमेंट्स
दरम्यान, हा व्हिडीओ सोशल मीडियावर अपलोड केल्यानंतर नेटकऱ्यांकडून त्याला आवडीने पाहिले जात असून अनेकजण उत्स्फूर्तपणे प्रतिक्रिया देत आहेत. एका नेटकऱ्याने दोन मधमाश्यांनी मिळून शीतपेयाचे एक झाकण उघडणे हे अविश्वसनीय असल्याचे मत मांडले. तर अशा प्रकारचा व्हिडीओ मी पहिल्यांदा पाहिला असून हे सारं अद्भूत आहे, असे आणखी एका नेटकऱ्यांने म्हटले आहे.
इतर बातम्या :
Video : रुग्णांना वाचवण्यासाठी जबरदस्त जुगाड, ‘देशी रुग्णवाहिका’ पाहून तुम्हीही सलाम ठोकाल
Video | भरधाव वेगाने घेतला जीव, अपघाताचा थरारक व्हिडीओ व्हायरल, नेटकऱ्यांच्या अंगावर शहारे
(Two honey bees opening Fanta cold drink bottle funny video goes viral on social media)
