Video : रस्ता ओलांडण्यास हत्तींना येत होती अडचण; मग रेल्वे मंत्रालयानं तत्परतेनं केलं काम, नेटिझन्सकडून कौतुक

Elephant Video : हत्तींचा कळप रेल्वे ट्रॅकच्या बाजूला असलेला रस्ता ओलांडण्याचा प्रयत्न करत असल्याचा व्हिडिओ ऑनलाइन व्हायरल झाला. ही घटना तामिळनाडू(Tamilnadu)मधल्या निलगिरी इथं घडली आणि ही क्लिप IAS अधिकारी सुप्रिया साहू यांनी त्यांच्या अधिकृत ट्विटर अकाउंटवर शेअर केली. मात्र, प्राण्यांना ओलांडण्यासाठी सुरक्षित रस्ता उपलब्ध करून देण्यासाठी रेल्वे मंत्रालया(Ministry Of Railways)नं तातडीनं कारवाई केली आहे. सध्या व्हायरल होत असलेल्या व्हिडिओमध्ये हत्तींचा कळप रेल्वे (Rail) रुळांच्या भिंती ओलांडण्यासाठी धडपडताना दिसत आहे. त्यांना पलीकडे असलेल्या जंगलात जायचं होतं पण कुंपणामुळे ते शक्य झालं नाही. काही सेकंदांनंतर, कळप रुळावरून वर चढून जंगलात प्रवेश करताना दिसतो. सुदैवानं रुळावरून कोणतीही ट्रेन जात नव्हती. ही एक निराशाजनक बाब होती.

‘हा त्रासदायक व्हिडिओ’

सुप्रिया साहू यांनी व्हिडिओला त्रासदायक म्हटलं आणि वन्यजीवांना अनुकूल अशी व्यवस्था असण्याची आवश्यकता अधोरेखित केली. त्यांनी त्याच्या कॅप्शनमध्ये लिहिलं, की हत्तींच्या कळपाला धोकादायक रेल्वे ट्रॅकवरून जावं लागलं हे पाहून वाईट वाटलं. संवेदनशील वन्यजीव अनुकूल रचना आणि अंमलबजावणीसाठी सर्व मूलभूत एजन्सींसाठी अनिवार्य SOP आवश्यक आहे.

Distressing to see that this herd of elephants had to negotiate their way through danger filled railway track. Need to have a mandatory SOP for all infra agencies towads sensitive wildlife friendly design & execution #savewildlife @RailMinIndia #elephants #Nilgiris pic.twitter.com/tSiKk3aTXS

— Supriya Sahu IAS (@supriyasahuias) February 2, 2022

प्रयत्नांना अखेर यश

ऑनलाइन पोस्ट केल्यानंतर, व्हिडिओला 90kपेक्षा जास्त व्ह्यू मिळाले आहेत. दरम्यान, सुप्रिया साहू यांनीही परिस्थितीबाबत नवीन अपडेट शेअर केले. त्यांनी पोस्ट केलेल्या दुसर्‍या क्लिपमध्ये, एक माणूस प्राण्यांच्या सुरक्षित प्रवासासाठी ट्रॅकच्या बाजूनं भिंती पाडताना दिसतो. आयएएस अधिकारी सुप्रिया साहू यांनी त्यांच्या पुढील व्हिडिओ ट्विटच्या कॅप्शनमध्ये लिहिलं, ‘जेव्हा आम्ही एकत्र काम करतो तेव्हा आम्ही उपाय शोधतो. भिंत पाडली जात आहे. उत्कृष्ट टीमवर्क.’ नेटिझन्सनी टिप्पणी विभागात सुप्रिया साहू यांच्या प्रयत्नांचं आणि रेल्वे मंत्रालयानं केलेल्या तत्पर कारवाईचं कौतुक केलं.

When we work together we come out with solutions ?The wall is being demolished Great team work #TNForest and @RailMinIndia ?#savewildlife #elephants https://t.co/5ySBm4MX4g pic.twitter.com/J8QNKBZsSj

— Supriya Sahu IAS (@supriyasahuias) February 3, 2022

Viral Video : चक्क गेंड्याचं चुंबन घेतेय ‘ही’ तरुणी; यूझर्स म्हणतायत, जंगली प्राण्यांपासून दूर राहा, भडकला तर…

Viral : पोलिसांना फायर नाही तर फूल समजलं आणि..; रक्तचंदन तस्कराच्या रिअल लाइफमध्ये काय घडलं? वाचा

Viral Video : फटाक्यांच्या आवाजाचा कुत्र्याला होत होता त्रास; मग या गोड चिमुरडीनं असं काहीतरी केलं, की…