एका PNR वर एकापेक्षा जास्त तिकिटांची बुकिंग, एकाला रद्द करायचे असेल तर अशी आहे प्रक्रिया
ग्रुपने रेल्वेचे तिकीट काढल्यानंतर जर एखाद्याचे तिकीट रद्द करायचे असले तर काय कराल? जाणून घ्या प्रक्रिया
मुंबई, बऱ्याचदा ग्रुपने प्रवास करताना एकत्रच तिकीट काढण्यात येते. अशा वेळी एकाच पीएनआरवर (One PNR) एकापेक्षा जास्त जणांची रेल्वेची तिकीट काढण्यात येते. यामध्ये प्रत्येक प्रवाशाला वेगळे तिकीट लागत नाही. पण जर एखाद्याचा प्लॅन बदलला आणि त्याने ट्रिप रद्द केली तर? अशा परिस्थितीत त्याचे तिकीट रद्द (Cancel Railway Ticket) करावे लागेल, अन्यथा प्रवास न करता त्याचे पैसे कापले जातील. एकाच पीएनआरवर अनेक लोकांची तिकिटे असल्याने ज्या प्रवाशाला प्रवास करायचा नाही तो काय करणार? यासाठीच नियम थोडा वेगळा आहे हे. जाणून घेऊया याची प्रक्रिया (Online Process).
तिकिटांचे बुकिंग रेल्वे काउंटरवरून होत असेल, तर कॅन्सलही काउंटरवरच करावे लागेल. जर तिकीट बुकिंग आयआरसीटीसीच्या ई-तिकीटिंग वेबसाइटवरून केले असेल, तर तिकीट ऑनलाइन सहजपणे रद्द केले जाऊ शकते. जर तुम्हाला अनेक तिकिटांपैकी एखादे तिकिट रद्द करायचे असेल तर त्याला आंशिक रद्द करणे म्हणतात. यासाठी तुम्हाला IRCTC वेबसाइटवर लॉग इन करावे लागेल. आयआरसीटीसी चार्ट तयार होईपर्यंत कन्फर्म तिकीट रद्द करण्याची सुविधा देते. तिकीट बुकिंग ऑनलाइन झाल्यामुळे हे काम तुम्हाला ऑनलाइन करावे लागेल हे लक्षात ठेवा.
याची नेमकी प्रक्रिया आपण जाणून घेऊया
- सर्व प्रथम IRCTC ई-तिकीटिंग वेबसाइट irctc.co.in उघडा
- योग्य लॉगिन आयडी आणि पासवर्ड टाकून येथे लॉग इन करा
- आता साइन-इन पर्यायावर क्लिक करा
- आता तुमचे ई-तिकीट रद्द करण्यासाठी, “My Transaction” वर जा आता, My Account मेनू अंतर्गत बुक केलेल्या तिकीट इतिहास (History) लिंकवर क्लिक करा.
- तुम्हाला तुमची बुक केलेली तिकिटे विभागात दिसतील
- आता तुम्हाला रद्द करायचे असलेले तिकीट निवडा आणि रद्द करा (Cancel) या पर्यायावर क्लिक करा
- ज्या प्रवाशांची तिकिटे रद्द करायची आहेत त्यांची नावे निवडून रद्द करणे सुरू करा
- आता प्रवाशाच्या नावासमोरील चेक बॉक्स निवडा आणि “cancel ticket” बटणावर क्लिक करा
- रद्दीकरणाची पुष्टी करण्यासाठी पुष्टीकरण पॉप वर क्लिक करा
- एकदा प्रक्रिया यशस्वी झाली की, रद्दीकरण शुल्क कापले जाईल. तिकिटाचे पैसेही तुमच्या खात्यात परत केले जातील.
- तुम्हाला तुमच्या नोंदणीकृत मोबाइल नंबर आणि ईमेलवर एक पुष्टीकरण एसएमएस आणि रद्दीकरण ईमेल देखील प्राप्त होईल.
