‘या’ कंपनीकडून लसीकरणाबाबत मोठा निर्णय, नो व्हॅक्सिन नो जॉबच्या धोरणाची अंमलबजावणी
कोरोनाचे संकट हळूहळू कमी होत आहे, असे वाटत असतानाच आता पुन्हा एकदा कोरोनाचे रुग्ण वाढण्यास सुरुवात झाली आहे. याच पार्श्वभूमीवर आता देशात अनेक कंपन्यांकडून नो व्हॅक्सिन नो जॉबचे धोरण राबविण्यात येत आहे.
नवी दिल्ली : कोरोनाचे संकट हळूहळू कमी होत आहे, असे वाटत असतानाच आता पुन्हा एकदा कोरोनाचे रुग्ण वाढण्यास सुरुवात झाली आहे. महाराष्ट्रात तर कोरोनाचा कहर पहायला मिळत आहे. गेल्या तीन दिवसांपासून तब्बल चाळीस हजारांपेक्षा अधिक रुग्ण राज्यात आढळून येत आहेत. कोरोनाचा प्रादुर्भाव टाळण्यासाठी लसीकरण हाच एकमेव उपाय असल्याचे आरोग्य विभागामार्फत वारंवार सांगण्यात येत आहे. दरम्या लसीकरणासाठी एका खासगी कंपनी पुढाकार घेतला असून, त्यांनी आपल्या पॉलिसीमध्ये बदल केला आहे. नो व्हॅक्सिन नो जॉब असे धोरण कंपनीने आता जाहीर केले आहे.
14 जानेवारीपर्यंतची मुदत
सीटीग्रुप असे या कंपनीचे नाव आहे. ही कंपनी बँकिंग क्षेत्रामध्ये काम करते. कंपनीच्या नव्या धोरणानुसार कर्मचाऱ्यांना येत्या 14 जानेवारीपर्यंत लस घेण्यास सांगण्यात आले आहे. जे कर्मचारी 14 जानेवारीपर्यंत लस घेणार नाहीत, त्यांना कामावरून काढून टाकण्यात येईल असा इशार कंपनीच्या वतीने देण्यात आला आहे. याबाबत रॉयटर्स या वृत्तसंस्थेच्या वतीने माहिती देण्यात आली आहे. देशभरात कोरोनाचे रुग्ण झपाट्याने वाढत आहेत. कोरोनाला आळा घालायचा असेल तर लसीकरण हा एकमेव उपाय आहे. केंद्रीय आरोग्य विभागाच्या वतीने देखील वारंवार लसीकरण करून घेण्याचे आवाहन करण्यात येत आहे. याच पार्श्वभूमीवर कंपनीच्या वतीने हा निर्णय घेण्यात आल्याची माहिती संबंधित कंपनी प्रशासनाकडून देण्यात आली.
‘ब्लूमबर्ग’मध्ये देखील लसीकरण सक्तीचे
दरम्यान यापूर्वी ‘ब्लूमबर्ग’ने देखील असाच निर्णय घेतला होता. कंपनीने गेल्याच वर्षी नो व्हॅक्सिन नो जॉब पॉलिसी लागू केली होती. कंपनीने आपल्या या नव्या पॉलिसीची घोषणा गेल्या वर्षी ऑक्टोबर महिन्यामध्येच केली होती. कंपनीच्या नव्या पॉलिसीनुसार कंपनीच्या अमेरिकेतील सर्व कर्मचाऱ्यांना लसीकरण सक्तीचे करण्यात आले होते. मात्र इतर देशातील कर्मचाऱ्यांबाबत अद्याप कंपनीने आपली भूमिक स्पष्ट केलेली नाही. लसीकरण झालेल्या नागरिकांना देखील कोरोनाची लागण होत असल्याचे पहायला मिळत आहे. मात्र ज्यांनी लसीचे दोनही डोस घेतले आहेत, अशा कोरोनाबाधितांच्या मृत्यूचे प्रमाण कमी असल्याचे आकडेवारीमधून समोर येत आहे.
संबंधित बातम्या
‘क्रिप्टो’ फर्म ईडीच्या रडारवर: कर नियमांसाठी केंद्राकडे धाव, अर्थसंकल्पात स्पष्टीकरणाची मागणी!
‘अनप्लग्ड’ टाटा: चरित्रातून जीवनपट लवकरच जगासमोर, पुस्तकासाठी महागडा लेखन करार!