Government GEM Online Platform | फ्लिककार्ट नी अॅमेझॉनपेक्षा ही स्वस्त! इथं होतेयं वस्तूंची दाबून खरेदी

GEM Online Shopping Platform News | फ्लिपकार्ट आणि अॅमेझॉनवर ( Flipkart Amazon ) सेल, महासेल सातत्याने सुरू असतात. काही ऑफर्सही मिळतात. या ई कॉमर्स प्लॅटफॉर्मवर (E Commerce Platform) स्वस्तात (Cheaper) वस्तू मिळत असल्याने, त्यावर ऑफर्सचा धडका असल्याने मोठ्या प्रमाणात ग्राहक ऑनलाईन शॉपिंगकडे (Online Shopping) वळला आहे. या प्लॅटफॉर्मवर दररोज हजारो वस्तूंची विक्री केल्या जाते. परंतू, याही पेक्षा अजून एक स्वस्त शॉपिंग प्लॅटफॉर्म आहे आणि विशेष म्हणजे यावरील मालाला सरकारकडूनच हमी मिळते. येथील मालाचा दर्जा (Quality of goods) उत्तम असून सरकारकडून मालाची काटेकोर पडताळणी होते. दर्जासोबतच किंमतीत ही स्वस्त असल्याने अनेक भारतीय ग्राहक या ऑनलाईन प्लॅटफॉर्मकडे वळाले आहेत. विशेष म्हणजे जागतिक संस्थांनी या शॉपिंग मॉलमधील किंमती अत्यंत स्वस्त असल्याचे निरीक्षण सर्व्हेअंती नोंदवले आहे.

काय आहे नाव ?

सरकारच्या या ऑनलाईन शॉपिंग प्लॅटफॉर्मचे नाव जेम असं आहे. त्याच्या अधिकृत संकेतस्थळ gem.gov.in असं आहे. या ठिकाणी तुम्ही सहज इतर शॉपिंग वेबसाईटप्रमाणेच वस्तू निवडू शकता, ऑर्डर बूक करु शकता. रक्कम अदा करु शकता. या संकेतस्थळावरून अत्यंत स्वस्तात वस्तू उपलब्ध होत असल्याचेही आर्थिक सर्वेक्षणात आढळून आले आहे. जर तुम्ही येथून Amazon आणि Flipkart वर उपलब्ध वस्तूंच्या किंमतींची तुलना केली तर तुम्हाला फरक लागलीच लक्षात येईल.सरकारी ई-मार्केटप्लस जेईएमने  (Government e-Marketplace portal- GeM)ग्राहकांना इतर ई-कॉमर्स प्लॅटफॉर्मपेक्षा स्वस्त आणि टिकाऊ वस्तू उपलब्ध करुन दिल्याचे समोर आले आहे.

हे सुद्धा वाचा

GST on Rent | हाऊस रेंट अलाऊन्स देताना कंपन्यांना करावा लागणार हजारदा विचार, कंपन्यांना बसेल GST चा फटका, हा नवीन दंडम माहिती आहे का?

Hydrogen Car | महागड्या पेट्रोल-डिझेलच्या जाचातून लवकरच सूटका, प्रति किलोमीटर मोजा केवळ 40 पैसे! इलेक्ट्रिक कारनंतर नितीन गडकरींच्या या प्रयोगाची सध्या चर्चा?

akasa air starts ticket booking | बिग बुलच्या अकासाला स्वस्ताईचे पंख! अवघ्या 3282 रुपयांत मुंबई ते अहमदाबाद प्रवास, 7 ऑगस्टपासून विमानसेवेला सुरुवात

Inflation | म्हंजे पैसा खर्चच करायचा नाय का? फिक्स ठेवला तर 6% व्याज अन् खरेदीवर 18% जीएसटी, नेटकऱ्यांकडून सडकून टीका!

अशी आहे स्वस्ताई

विविध वस्तूंच्या किंमतीची तुलना अॅमेझॉन, फ्लिपकार्टAmazon, Flipkart सारख्या लोकप्रिय ऑनलाइन प्लॅटफॉर्मच्या (Online Platform)किंमतींशी करण्यात आली. त्यावेळी जीईएमच्या किंमती अॅमेझॉनसह फ्लिपकार्टपेक्षा 9.5% कमी असल्याचे आर्थिक सर्वेक्षण (economic survey) 2021-22 मधील विश्लेषणात सोमवारी दिसून आले. इतर दोन ई-कॉमर्स प्लॅटफॉर्मपेक्षा नमुना पद्धतीने घेण्यात आलेल्या 22 पैकी 10 वस्तूंच्या किंमती जीईएम पोर्टलवर स्वस्त असल्याचे सर्वेक्षणातून समोर आले. जीईएमला अधिकाधिक लोकाभिमूख केल्यास या दोन्ही ई-कॉमर्स प्लॅटफॉर्मला तगडा प्रतिस्पर्धी तयार होऊ शकतो. त्यादृष्टीने केंद्र सरकार पाऊले टाकणार असून जीईएमच्या किंमती कमी असल्याने ग्राहक आपोआप या प्लॅटफॉर्मकडे वळतील अशी आशा आहे. विशेष म्हणजे या प्लॅटफॉर्मवर किंमती कमी असल्या तरी वस्तूंच्या दर्जात कुठेही तडजोड करण्यात आलेली नाही.

सरकारी कार्यालयांसाठी खरेदी बंधनकारक

सरकारने 2016 मध्ये  दैनंदिन वापराच्या वस्तूंच्या खरेदीसाठी जीईएम या ई-कॉमर्स प्लॅटफॉर्मची स्थापना केली. खरेदीसाठी ही एक सोपी, पारदर्शक आणि पूर्णपणे डिजिटल प्रक्रिया आहे. जनरल फायनान्शियल रूल्स (financial Rules) 2017 नुसार सर्व मंत्रालये आणि विभागांना जीईएमकडून  उपलब्ध वस्तू आणि सेवा खरेदी करणे बंधनकारक करण्यात आले आहे. या पोर्टलवर पहिल्या पाच श्रेणीतील वस्तुंच्या किंमतीवर 23.5% ते 60.5% पर्यंत बचतीचे उद्दिष्टय साध्य झाले आहे.