Loan : दिवाळीत खरेदीसाठी रक्कम अपुरी पडली, काळजी कशाला? आता करुन घ्या शॉपिंग, नंतर करा पेमेंट..
Loan : दिवाळीत खरेदीच अशी असते की, जमापुंजी झटपट संपते, अशावेळी ही योजना तुमच्या कामी येऊ शकते.
नवी दिल्ली : देशातील अनेक कंपन्या ‘बाय नाऊ पे लेटर’ (Buy Now Pay Later- BNPL) ही सुविधा देत आहेत. ही संकल्पना लोकप्रिय झालेली आहे. त्याचा फायदा या दिवाळसणात (Diwali) तुम्हाला घेता येईल. विशेष म्हणजे ही योजना व्याजमुक्त आहे. हे एक प्रकारे इंटरेस्ट फ्री लोन (Interest Free Loan) आहे.
दिवाळी सणात किती कमी खरेदी केली तरी खिशा खाली होतोच होतो आणि खात्यातील शिल्लक रक्कमही संपते. दिवाळी म्हणजे आनंदाचा सण असतो. त्यामुळे कुटुंबातील सदस्यांचा हिरमोड करुन चालत नाही.
अशावेळी अशा झटपट कर्ज देणाऱ्या कंपन्या तुमच्या मदतीला धाऊन येतात. यामध्ये पेटीएम (Paytm) ची बाय नाऊ पे लेटर ही सुविधा उपयोगी ठरु शकते. जर या दिवाळीत तुम्ही या सुविधेद्वारे जोरदार शॉपिंग करु शकता.
पेटीएमने या सुविधेचे नाव पेटीएम पोस्टपेड (Paytm Postpaid) असे ठेवले आहे. पेटीएम पोस्टपेड क्रेडिट लिमिटसोबत तुम्हाला खरेदीचा आनंद लुटता येणार आहे. त्यासाठी तुम्हाला सध्या काहीच रक्कम जमा करावी लागणार नाही. पुढील महिन्यात तुम्हाला ही रक्कम अदा करावी लागेल.
Paytm Postpaid सुविधेचा वापर करुन तुम्ही घरा शेजारील, चौकातील किराणा दुकान अथवा छोट्या व्यापाऱ्याला रक्कम अदा करु शकाल आणि पुढील महिन्यात ती रक्कम तुम्हाला अदा करता येईल.
ही सुविधा तीन प्रकारात तुम्हाला घेता येईल. Lite, Delite आणि Elite असे हे तीन प्रकार आहेत. लाईट प्रकारात तुम्हाला 20,000 रुपयांपर्यंत खर्च करता येतो. तर एलिटमध्ये एक लाख रुपयांपर्यंतची खर्च मर्यादा देण्यात आली आहे.
पेटीएम अॅपच्या My Paytm Postpaid अंतर्गत ही सुविधा तुम्हाला मिळेल. या पर्यायामध्ये Paytm Postpaid वर तुम्हाला क्लिक करावे लागेल. त्यानंतर केवायसी पूर्ण करुन या सुविधेचा फायदा घेता येईल.
