Reliance Power | एक डीलची बातमी आली काय नी अनिलभाऊच्या शेअरने तांडव केला काय..
Reliance Power | रिलायंस पॉवर लिमिटेड (RPL) आठवते का? आजही अनेक गुंतवणूकदारांचा पार तिळपापड होतो नाही का? कारण फसवणूकच तशी झाली आहे. पण या शेअरमध्ये अचानक तेजी आली आहे.
Reliance Power | रिलायन्स पॉवर लिमिटेड (RPL) आठवते का? आजही अनेक गुंतवणूकदारांचा पार तिळपापड होतो नाही का? कारण फसवणूकच तशी झाली आहे. पण या शेअरमध्ये अचानक तेजी आली आहे. एक बातमी काय आली अनिल अंबानी (Anil Ambani) यांच्या कंपनीच्या या शेअरने गुंतवणूकदारांच्या आशा पुन्हा पल्लवीत केल्या. निपचित पडलेला हा शेअर, बाजारात अचानक खाली-वर झाला. बाजाराच्या शेवटच्या सत्रात (Last Session) हा रिलायन्स पावरचा शेअर 9.91 टक्क्यांची वृद्धी नोंदवत 23.30 रुपयांवर बंद झाला. गेल्या महिनाभरात या शेअरने 75 टक्क्यांची वृद्धी नोंदवली आहे.
कंपनीचा फंडचा फंडा
रिलायन्स पावर लिमिटेड आणि तिची उपकंपनीने 1200 कोटी रुपयांचा निधी जमवण्यासाठी प्रयत्न सुरु केले आहेत. कंपनी दीर्घकालीन निधी गुंतवणुकीसाठी काम करत आहे. जागतिकस्तरावर गुंतवणूक करणारी कंपनी वर्दे पार्टनर्स(Verde Partners) सोबत रिलायन्स पावरने नुकताच एक करार केला आहे.
कर्ज घेणार
रिलायन्स पावरने यासंबंधी एक अधिकृत माहिती दिली आहे. त्यानुसार, कंपनीने 4 सप्टेंबर 2022 रोजी बाजारातील त्यांच्या कर्जाची सेटलमेंट, कर्ज परतफेड आणि इतर कामासाठी वर्दे पार्टनर्ससोबत करार केला आहे. त्यामाध्यमातून कंपनीला 1,200 रुपयांचे कर्ज मिळणार आहे.
निधीचा वापर कुठे करणार
रिलायन्स पावर कंपनी हा मोठा निधी कर्ज परतफेडीसाठी वापरले. भविष्यातील काही प्रकल्पांसाठीही हा निधी वापरण्यात येणार आहे. कर्ज फेडण्यासठी सर्व नियम, कायदे आणि अधिनियमांचे पालन करण्यात येणार आहे.
परदेशी गुंतवणूकदारांची पसंती
या शेअरमध्ये परदेशी गुंतवणूकदारांनी अचानक पसंती दाखवली आहे. विदेशी गुंतवणूकदारांनी ज्या 32 शेअरमध्ये गुंतवणूक केली. त्यात रिलायन्स पावरचाही समावेश आहे. विशेष म्हणजे परदेशी संस्थागत गुंतवणूकदारांच्या गुंतवणूक 3 टक्क्यांनी वाढली आहे.
गुंतवणूकदार अजूनही आशावादी
रिलायन्स पावर हा शेअर जोरदार धावले या आशेवर अनेक गुंतवणूकदारांनी त्यांचा मेहनतीचा पैसा यात गुंतवला. पण हा शेअर तुफान गडगडला. अनेक गुंतवणूकदारांनी त्याचा धसका घेतला. पण अजूनही या शेअरमध्ये धुकधुकी असल्याने गुंतवणूकदार अजूनही आशावादी आहेत.
