झिशान सिद्दीकी वांद्रे पूर्व मतदारसंघातून निवडणुकीच्या रिंगणात, कोणत्या पक्षाकडून लढणार?

झिशान सिद्दीकी हे वांद्रे पूर्व मतदारसंघातून विधासभा निवडणूक लढणार असल्याचे समोर आले आहे. मात्र झिशान सिद्दीकी हे कोणत्या पक्षाकडून विधानसभा निवडणूक लढवणार हे अद्याप निश्चित झालेले नाही. मात्र झिशान सिद्दीकी यांनी केंद्रीय निवडणूक आयोगाकडून उमेदवारी अर्ज देखील मागविल्याची माहिती आहे. त्यामुळे विधानसभा निवडणुकीसाठी अवघे काही दिवस शिल्लक असताना झिशान सिद्दीकी हे कोणत्या राजकीय पक्षात निवडणुकीच्या रिंगणात उतरणार हे पाहणं महत्त्वाचं ठरणार आहे. गेल्या काही दिवसांपासून वांद्रे पूर्वे विधानसभा मतदारसंघातून शिवसेना उद्धव ठाकरे गटाकडून वरुण सरदेसाई हे निवडणूक लढवणार असल्याची चर्चा असताना आता झिशान सिद्दीकींची ही चर्चा होताना दिसतेय. मुंबई उत्तर मध्य लोकसभा मतदारसंघाचा वांद्रे पूर्व विधानसभा मतदारसंघ हा एक भाग आहे. सध्या काँग्रेसचे झिशान सिद्दीकी हे येथील विद्यमान आमदार आहेत. या मतदारसंघात मध्यमवर्गीय मतदार अधिक असून मराठी मध्यमवर्ग तसेच हिंदी भाषिक आणि मुस्लिम मतदारांचं लक्षणीय प्रमाण असल्याचे चित्र आहे.