Devendra Fadnavis : ‘अमरावतीचं माझ्यावर कर्ज, मी कायम…’, मुख्यमंत्री फडणवीस विमानतळाच्या लोकार्पणानंतर काय म्हणाले?

आज अमरावतीमध्ये विमानतळाचा लोकार्पण सोहळा पार पडला. अमरावती विमानतळाचे मुख्यमंत्री देवेंद्र फडणवीस यांच्या हस्ते आज उद्घाटन करण्यात आलं. या लोकार्पण सोहळ्यानंतर राज्याचे मुख्यमंत्री देवेंद्र फडणवीस यांनी अमरावतीचं माझ्यावर कर्ज असल्याचे म्हटलं. ‘अमरावतीचं माझ्यावर कर्ज आहे. माझी आई अमरावतीची आहे. त्यामुळे अमरावतीशी माझं वेगळं नातं आहे. अमरावतीत काही चांगलं झालं तर सर्वाधिक आनंद माझ्या आईला होतो. त्यामुळे आईला आनंद देणं माझ्या आनंदाचं एक कारण असतं.’, असं ते म्हणाले. ‘रुक्मिनीचं हरण करताना अमरावतीत श्रीकृष्णाने अमरावतीत वायुवेगाने हरण केलं होतं. तो वायुवेग तर आपल्याला पाहता आला नाही. पण अमरावतीत वायू वेगाने येता येईल आणि वायू वेगाने जाता येईल. ही व्यवस्था मोदींच्या सरकारने केली आहे. डबल इंजिनचं सरकार असलं म्हणजे काय होतं. केवळ डबल इंजिनचं सरकार नाही. डबल बुस्टर की सरकार आहे. म्हणून आमचं सरकार वेगाने चालतंय’, असं म्हणत देवेंद्र फडणवीसयांनी सरकारचे कौतुक केलं.