‘तर इतका गहजब का?’, सरन्यायाधीशांच्या घरी बाप्पाच्या दर्शनाला मोदी, विरोधकांच्या टीकेवर फडणवीसांचं थेट प्रत्युत्तर

सर्वोच्च न्यायालयाचे सरन्यायाधीश धनंजय चंद्रचूड यांच्या घरी गणोशोत्सवानिमित्त देशाचे पंतप्रधान नरेंद्र मोदी यांनी दाखल होत त्यांच्या गणपती बाप्पाचे काल ११ ऑगस्ट रोजी दर्शन घेतले. यावेळी पंतप्रधान नरेंद्र मोदी यांच्या हस्ते आरतीही करण्यात आली. सध्या धनंजय चंद्रचूड आणि त्यांचे कुटुंबीय काही फोटो आता सोशल मीडियावर व्हायरल होत असताना दुसरीकडे विरोधक देखील यावरून टीका करत आहेत. विरोधकांकडून होत असलेल्या टीकेला देवेंद्र फडणवीसांनी टि्वटमधून उत्तर दिले आहे. ‘आधीचे पंतप्रधान त्यांच्या निवासस्थानी इफ्तार पार्टी ठेवायचे. या इफ्तार पार्टीला त्यावेळचे सरन्यायाधीशही उपस्थित राहायचे’, असे देवेंद्र फडणवीस म्हणाले तर गणपती बाप्पाच्या दर्शनाला नरेंद्र मोदी गेले तर का इतका गहजब का? असा सवालही देवंद्र फडणवीस यांनी विरोधकांना केला. हिंदुत्वाला विरोध करता-करता आता गणपती गौरींना विरोध करण्यापर्यंत का मजल जावी? हा प्रश्न गहन आहे, असे ट्वीटच्या माध्यमातून देवेंद्र फडणवीसांनी म्हटलंय.