Dhirendra Shastri : मुस्लिमांना शिव्या देऊन हिंदू राष्ट्र बनणार नाही – धीरेंद्र शास्त्री महाराज

मुस्लिमांना शिव्या देऊन हिंदू राष्ट्र बनणार नाही, असं धीरेंद्र शास्त्री महाराजांनी म्हंटलं आहे. छत्रपती संभाजीराजेंसारखे मुलांवर संस्कार करा, असं देखील धीरेंद्र शास्त्री यांनी म्हंटलं आहे. छत्रपती संभाजीराजेंनी प्राण त्यागले, पण धर्म सोडला नाही, असं म्हणत धीरेंद्र शास्त्री यांनी संभाजीराजेंची स्तुती केलेली आहे.

आपल्या प्रवचनात बोलताना धीरेंद्र शास्त्री म्हणाले की, मुस्लिम समाजाला शिव्या देऊन आपण कधीही हिंदू राष्ट्र बनवू शकणार नाही. आपल्याला आपल्या मुलांना चांगले संस्कार द्यावे लागतील. आपल्याला आपल्या मुलांना छत्रपती शिवाजी महाराज, छत्रपती संभाजी महाराजांसारखे संस्कार द्यावे लागतील. औरंगजेबाने सगळे पर्याय वापरुन पहिले तरी त्यांना छत्रपती संभाजी महाराजांचं धर्म परिवर्तन त्यांना करता आलं नाही. संभाजीराजेंनी प्राण त्यागले, पण धर्म सोडला नाही, असं धीरेंद्र शास्त्री म्हणाले.