Vidhan Sabha Election 2024 : एका मताला 500 रूपये… मतदारसंघात पैशांचं वाटप करणाऱ्याची चांगलीच धुलाई, व्हिडीओ व्हायरल

कराड दक्षिण विधानसभा मतदारसंघात महाविकास आघाडीतील काँग्रेसचे अधिकृत उमेदवार पृथ्वीराज चव्हाण आणि महायुतीकडून भाजपचे अतुल भोसले हे विधानसभा निवडणुकीच्या रिंगणात आहे. महाराष्ट्रात विधानसभा निवडणूक ही येत्या २० नोव्हेंबर रोजी होणार आहे. अशातच विधानसभा निवडणुकाच्या प्रचाराचा आजचा शेवटचा दिवस असून प्रचारसभांचा धडाका गेल्या दोन दिवसांपासून पाहायला मिळतोय. दरम्यान, कराड दक्षिण विधानसभा मतदारसंघात निवडणूक प्रचार अंतिम टप्प्यात आलाय. कार्यकर्ते पैसे वाटप करत असल्याच्या दोन व्हिडिओ व्हायरल होत आहेत. पैसे वाटणाऱ्या तरूणांची सजग आणि सर्तक नागरिकांकडून चांगलीच धुलाई कऱण्यात आली असल्याचे व्हायरल होणाऱ्या व्हिडीओमध्ये पाहायला मिळतंय. त्यांना चोप देत असल्याचा व्हिडिओ व्हायरल होत आहे कराड दक्षिण विधानसभा मतदारसंघातील कोळीवाडा येथे कार्यकर्ता पैसे वाटप करत असल्याचा व्हिडिओ ही व्हायरल होत आहे.