‘लाडक्या बहिणी’ची चर्चा असताना दादांनी आठवण दिली ‘लाडक्या लेकी’ची, मुलगी 18 वर्षाची होईपर्यंत मिळणार ‘इतके’ रुपये

राज्यात मुख्यमंत्री माझी लाडकी बहीण योजनेला महिलांचा मोठी प्रतिसाद मिळत आहे. अशातच येत्या १७ ऑगस्टला पात्र महिलांच्या खात्यात पैसे जमा होतील, अशी मोठी अजित पवार यांनी दिली. तर यावेळी मुलींच्या एका योजनेवरही ते बोलले. १ हजार मुलं जन्माला येतात तेव्हा ७०० मुली जन्माला येतात. मुलगी नको.. अशी मानसिकता काही लोकांची झाली आहे. त्यामुळे गर्भलिंग निदान चाचणी बंद केली आहे. ज्याप्रमाणे मुलाला जन्माला यायचा अधिकार आहे तसा लक्ष्मी सारख्या असणाऱ्या मुलीला देखील जन्म घ्यायचा अधिकार आहे, असे म्हणत अजित पवार यांनी लाडकी बहीण योजनेवर बोलत असताना मुलींसंदर्भातील एका योजनेची माहिती दिली. जर १ कोटी मुलांची संख्या असेल आणि ७० लाख मुली जन्माला येत असेल तर ३० लाख मुलांनी कुठे जायचं.. त्यांनी कुठे जायचं लग्न करायला… हा चेष्ठेचा विषय नसून ही वस्तू स्थिती आहे, असे म्हणत अजित पवार यांनी गंभीर विषयावर बोट ठेवलं आहे.