कोल्हापुरातल्या कणेरी मठात पंचमहाभूत लोकोत्सवाला सुरूवात; मुख्यमंत्री-उपमुख्यमंत्र्यांच्या हस्ते उद्घाटन

कोल्हापूर : कोल्हापुरातल्या कणेरी मठ इथं आजपासून पंचमहाभूत लोकोत्सवाला सुरवात झाली आहे. मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांच्याहस्ते पंचमहाभूत लोकोत्सवाचं उद्घाटन झालं. एकनाथ शिंदे, देवेंद्र फडणवीस यांच्यासह चंद्रकांत पाटील आणि इतर प्रमुख पाहुणे या कार्यक्रमाला उपस्थित होते. 20 ते 26 फेब्रुवारी दरम्यान पंचमहाभूत लोकोत्सव होणार आहे. पंचमहाभूत लोकोत्सवाच्या निमित्ताने कणेरी मठच्या तब्बल 600 एकर परिसरात वेगवेगळी प्रदर्शनं भरवण्यात आली आहेत. 40 लाखाहून अधिक लोक भेट देतील, असा आयोजकांचा अंदाज आहे. कणेरी मठाचे मठाधीपती अदृश्य काडसिद्धेश्वर स्वामींच्या संकल्पनेतून पंचमहाभूत लोकोत्सव सोहळा होतो आहे.