अजित दादांचे दोन बडे नेते शरद पवारांच्या भेटीला, राज्याच्या राजकारणात मोठ्या बदलाचे संकेत?
आगामी विधानसभा निववडणुकीआधी शरद पवारांनी रणनिती आखण्यास सुरूवात केली आहे. अशातच पुण्यातील मोदी बागेत शरद पवारांच्या निवास्थानी नेते आणि कार्यकर्त्याची भेटीसाठी रिघ सुरू झाल्याचे पाहायला मिळत आहे. अशातच यातच अजित पवार गटाचे दोन नेते शरद पवारांच्या भेटीला पोहोचले आहेत.
महाराष्ट्राच्या राजकारणात मोठ्या घडामोडी घडताना दिसताय. अजित पवार यांच्या राष्ट्रवादीचे दोन बडे नेते शरद पवार यांच्या भेटीसाठी दाखल झाले आहेत. सोलापूरमधील माढा विधानसभा मतदारसंघाचे आमदार बबन शिंदे हे शरद पवारांना भेटण्यासाठी आले आहेत. तर पिंपरी चिंचवडचे अजित पवार गटाचे नेते विलास लांडे हे देखील शरद पवारांच्या भेटीला पोहोचले आहेत. त्यामुळे पुण्यात आणि सोलापुरात राजकीय बदलाचे संकेत दिसत आहेत. या दोन्ही नेत्यांनी विधानसभा लढवण्याची इच्छा दर्शवली असून विधानसभा निवडणुकीच्या तोंडावर या दोन नेत्यांनी शरद पवारांची भेट घेतल्याने हे दोघेही शरद पवार गटात प्रवेश करणार असल्याची चर्चा राजकीय वर्तुळात रंगली आहे. दरम्यान, विलास लांडे यांनी मागे भोसरी विधानसभेची निवडणूक लढवली होती. विलास लांडे शरद पवार गटाच्या वाटेवर असल्याची माहिती आहे. तर बबन शिंदे पुन्हा शरद पवार गटात येण्यासाठी इच्छुक आहेत.
