‘पवार साहेब आपसे बैर नही, समरजीत अब तुम्हारी…’, हसन मुश्रीफांकडून खुलं आव्हान

“शरद पवार साहेबांनी कायम प्रजेचा आणि रयतेमधून आलेल्या सामान्य कार्यकर्त्यांचा प्रचार केलेला आहे. राजा विरोधात प्रजा अशी निवडणूक आहे आणि प्रजा कायमच जिंकत असते. मंत्री होण्यासाठी आधी निवडणुकीत निवडून यावे लागतं. मागच्या सहा निवडणुकांमध्ये मी विजय मिळवला आहे. तेव्हा माझ्यासमोर एकापेक्षा एक असे उमेदवार होते. तीन वेळा तिरंगी लढत झाली, तीन वेळा दोघांमध्ये लढत होती, तरीही मी विजय मिळवत आलो आहे”, असे हसन मुश्रीफ म्हणाले. तर जयंत पाटील दोन दिवसांपूर्वी आले, त्यांनी सभा घेतली. काल पवार साहेबांनी सभा घेतली, मला समजत नाही की ते माझ्यासारख्या अल्पसंख्यांक कार्यकर्त्यांच्या मागे का लागले आहेत? असा सवाही मुश्रीफ यांनी केला. तर निवडणुकीत शरद पवार आपसे बैर नही, समरजीत अब तुम्हारी खैर नही असे म्हणत हसन मुश्रीफ यांनी खोचक टोला लगावला.