‘एकनाथ शिंदे अन् शरद पवार एकमेकांच्या संपर्कात, 23 नोव्हेंबरनंतर…’, नवाब मलिकांचा खळबळजनक दावा
शरद पवार आणि एकनाथ शिंदे यांच्यात काहीतरी सुरू असल्याचे काही लोकं सांगतात. तर विधानसभा निवडणुकीनंतर महाराष्ट्रात काय होईल हे सांगता येत नाही, असं सांगत असताना नवाब मलिकांना टीव्ही ९ मराठीशी बोलणाता खळबळजनक दावा केलाय.
मुख्यमंत्री एकनाथ शिंदे हे ज्येष्ठ नेते शरद पवार यांच्या संपर्कात असल्याचा मोठा खळबळजनक दावा काँग्रेसचे ज्येष्ठ नेते तथा मानखुर्द शिवाजीनगर मतदारसंघाचे उमेदवार नवाब मलिक यांनी केला आहे. इतकंच नाहीतर ते पुढे असेही म्हणाले, महाराष्ट्रात विधानसभेच्या 2019 च्या निवडणुकीनंतर राज्यातील सत्तेची समीकरणे बदलली होती. कित्येक वर्ष एकमेकांचे कट्टर राजकीय विरोधक असणारे पक्ष मित्र बनले आणि मित्र पक्ष एकमेकांचे कट्टर शत्रू बनल्याचे पाहायला मिळत आहे. अशीच परिस्थिती 2024 च्या विधानसभा निवडणुकीच्या निकालानंतर निर्माण होईल, असा मोठा दावा नवाब मलिक यांनी केला आहे. यावेळी नवाब मलिकांना अजित पवारांबद्दल मोठा विश्वास व्यक्त करताना येणाऱ्या निवडणुकीच्या निकालात अजित पवार हे किंगमेकर होणारच असा दावा केला. तर अजित दादा मुख्यमंत्री कोणाला करायचं हे ठरवतील, असंही नवाब मलिक म्हणाले. माझी लढाई ड्रग्स हद्दपार करण्यासाठी आहे, गुंडगिरीला हद्दपार करायचं आहे. माझी लढत ड्रग्स आणि गुंडगिरी विरोधात असल्याने नशा हारेगा नवाब मलिक जितेगा, असंही ते म्हणाले
