‘मंगळसूत्र चोर अशी गोपीचंद पडळकर यांची ओळख’, राष्ट्रवादीच्या आमदाराची सडकून टीका

मुंबई, १८ सप्टेंबर २०२३ | राज्याचे उपमुख्यमंत्री आणि गृहमंत्री देवेंद्र फडणवीस यांनी भाजप नेते आणि आमदार गोपीचंद पडळकर यांना अवरावं, असे म्हणत राष्ट्रवादी काँग्रेसचे आमदार अमोल मिटकरी यांनी अजित पवार यांच्यावर टीका करणाऱ्या गोपीचंद पडळकर यांच्यावर पटलवार केला आहे. इतकंच नाही तर समाजात कवडीचीही किमंत नसणाऱ्या गोपीचंद पडळकर यांना आवरा असे म्हणत अमोल मिटकरी यांनी जोरदार हल्लाबोल केलाय. मंगळसूत्र चोर हीच गोपीचंद पडळकर यांची ओळख असल्याची सडकून टीका अमोल मिटकरी यांनी केली आहे. तर अमोल मिटकरी यांनी देवेंद्र फडणवीस यांना विनंती करत असे म्हटले की, ‘गोपीचंद पडळकर हा तुमचा पालतू कुत्रा अवकातीच्या बाहेर भुंकलेला आहे. ज्याची ख्याती मंगळसूत्र चोर म्हणून आहे. जो समाजाचा, सख्या भावाचा, देवाचा होऊ शकला नाही. अशा गोप्याला तुम्ही वेळेच आवर घाला, वेसन घालावं नाहीतर त्यांना वेसन घालण्याची ताकद अजित दादांच्या प्रत्येक कार्यकर्त्यांमध्ये आहे’, असे म्हणत मिटकरी यांनी थेट इशारा दिला आहे.